Tuesday, June 26, 2007

أنا ا تــــــــــاجــــ ـت..."معدل"

Thursday, April 5, 2007

أنا ا تــــــــــاجــــ ـت..."معدل"

أنــــــــــــــــــا أ تــــــــــــاج ت

انا مش مصدق نفسي...اه والله...ولا انتم مصدقين.....انا شايف في عنيكم نظرت كداب يا خيشه...بس..... انا كمان مش مصدق.....بس ديه بقت حقيقه واقعيه...حاجه لازم نسلم بيها...انا اتاجت......و يا ريته واحد بس..لا اتنين..اتنين تاجوني.....سمسم بعدين ريمو...الله يجبربخاطرهم...:"(..انا خايف بلوجي يتبل من الدموع وساعتها ننشرعند أزميرلدا كانت بتنشر من يومين.....

دلوقتي شايف قدام عنيا حياتي البلوجيه زي شريط لسينما.... اللي ما ابتدش زي ما انتم فاكرين بالبلوج الميمون في السابع عشر من مارس..لا..انا بلوجي الروحي اتولد مع ال د س ل بتاعي...كان ال د س ل على سرير امه بترضعه..و حياتي البلوجيه على السرير اللي قدامه..ابوه بيرضعه...:"(...و كبر بلوجي مع مرور الزمن...كنت على طول بدخل بلوجات الناس و مفهمش يعني ايه تاج...وهل هو تاج حقيقي بيدوه لبعض في لقائات المدونين ولا مجرد رسمة تاج...و مين بيتاج مين..و اشمعنى انا محدش بيتاجني...ولا عشان ابويا مجبليش جوجل مايل زي بقية الشباب اللي في سني..

ساعات كنت بلاقي اسئله بتبقى ايد بتاكلني اجاوبها في كومنت :):)..حرمان بقى...اضحكي على حرماني يا ندى...ماهو اللي ملوش تاج يضرب على بلوجه....ما انتي عندك بلوج و ياما جاوبتي تاجات..:"(...انما انا يا ولداه..عديم البلوج..عديم التاج محدش هيحس بيا الا اذا حد انونيمس عدى من هنا و لعب التاج بمشاعره......

المهم دارت الايام و بلوجي كبر و فتحتله البلوج ده يوقف فيه و بقيت مستني تاج...كل صلاه بدعي..يا رب ابعت...يا رب حد يتاجني..يا رب ارزقني تاج من حيث لا احتسب.....كل بلوج افتحه القيه مجاوب تاج و يكون في نوع من الاستلطاف بين بلوجي و بينه اقول هيبعتلي اكيد..بس ملقيش..و حلمي في التاج ينكسر....و ساعات يتخرم....

ده انا مره فتحت بلوج لقيت كاتب اديه لكل الناس الي عندي في القايمه...و انا جريت قلت يمكن الله يستره حاطتني و عملهالي مفجأه بس ملقيتش نفسي...انتم متخيلين المأساه....ده انا كنت عايز اغير اسم البلوج على اسم لينك من الموجودين و استعبط و استولي على التاج :):):):):)...ولا مره تانيه لقيت واحد ممرر التاج لكذا حد بس انا مش فيهم....كنت عايز اغير اسمي شخصيا و استولى عليه..:):):)....

ده حتى جروووم اللي كان معظم املي عليه و جاله تاجات انا بقرا بثقه انه اكيد باصهولي و عمال اقرا و اتمزج

بردوده..واثق بقى....و انزل تحت خالص...انا مش همرر لحد..انا مقبرة التاجات...و صوت كسر زجاج في اللحظه ديه...على موسيقى كمنجه في الخلفيه,,, و دموعي تنهمر..كدا يا جروم..كدا..ده احنا اخوات..طب باصي و سبني ادفنه..متدفنوش لوحدك...بس لا حياة لمن تنادي...

لا ده ايه! اخرت ما زهقت قلت اعمل تاج و اباصيه للناس و منهم مدونين جداد زي عشان انا اكتر واحد حاسس ب احتياجهم انهم يتاجّو :)....بس اكتشفت اني لازم ابعت التاج لحد الاول و الحد ده يا يفتكرني يا ميفتكرنيش.. هنا بقى يجي القمار و اا كفايه عليا قمار الكومنتات..:):):):):)...لا و بعد ما اعمل ده كله ما يجليش..و ابقى حديث البلوجر لسنين قادمه..البلوجر اللي مات ب ازمه بلوجيه..شهيد التاج...

لا و وسط كل ده و الليالي اللي مبنمش فيها من الحزن و بروح اعتكف في الجامع ادعي الاقي الناس يجيلها التاج من هنا و تضايق وتدبس..ماله يا جماعه..ده تاج...صفير كده و مسمسم...حد لاقي..ولا عشان اتاجتوا قبل كده..اوعوا تنسوا يا جماعه احساس اول تاج و احساس الفرج بعد معاناه و حزق..:)... و افتكروا المدونين الصغيرين في تاجتكم اثابكم لله............

بس لحد ما ربنا كرمني ب اول اتنين يتاجوني في يوم واحد ورا بعض و انا كنت نادر ندر اني لو جالي تاج هباصيه لتلاته مدونين جداد و كله بثوابه...:)

...

و سجل يا تاريخ........رغم ان سمسم الاول فعليا بس ريمو الاولى عمليا و ديه شهاده تاريخيه ..لأني معرفتش اسئلة تاج سمسم الا لما رد عليها الله يكرم اصله و يوفقه ويوقفله ولاد الحلال اللي يكومنتولوا :)

انا اتاجت يا جماعه خلاص و ديه نصيحه عشان اخواتنا المدونن الجداد اللي سه محش تاجهوم:...

ده اللي بيساعد المدونين الحديثين :) و بيمدلهم ايد التاج....ربنا هيباركلوا في بلوجه و هيطرحله الخير في كومنتاته.....و يزودله عداده حتى لو كان بيعد ب ال

مش بالكليك زي اللي كان عندي زمانIP...

.....اتبرع ولو بسؤال..كومنتك لوحده مش كفايه......

No comments: