Wednesday, April 11, 2007
بليل..لما كنت نعسان..
بليل..
لما كنت نعسان..
غمضت عيني و شفتك..
بتجري..
زي الميّه في الوديان..
تطيري..
زي العصفوره على الأغصان..
فرحانه ب الحب..
فرحه..ما وردت على انسان..
ئفشتيني باصصلك..
و في عيوني نظرة الولهان..
اتكسفت..
بصيت في الأرض..
و على وشي حمرة الخجلان..
ضحكتي و انتي مكسوفه..
جتلك مسكت ايدك..
خدتك و رحنا لأجمل بستان..
خدتك في حضني و قعدنا..
تحت شجرة الريحان..
بصيت في وشك لقيت..
كل السعاده..في عينان..
و فجأه..
جت الضلمه المخيفه..
سخيفه و عنيفه..
قلتيلي..انا خايفه..
رديت بشجاعة الفرسان..
متخفيش..هحميكي..
بكل قوة الشبان..
خدتك مشينا في الضلمه..
و بصراحه..كنت فزعان..
بس كنت مطمن..
انك في حضني حسّه بالأمان..
صدقيني مكنتش خايف على نفسي..
كنت خايف من حد جبان..
يجي يئذيكي من بعدي..
صدقيني..كنت قلقان..
بس دعتلك و قلت..
احميها..يا رحمن..
قلتيلي..مش يمكن تمطر؟..
ولا يجلنا..وحش جعان؟..
قلتلك متخفيش..
هعملك قلبي شمسيه..
هموت فداكي كمان..
قلتلك حتى لو مت بردان..
متخفيش..
خدي من قلبي شعله..
هتلاقيه..
بحبك دفيان.......
No comments:
Post a Comment