Tuesday, June 26, 2007

دمّي..همّي..

Monday, March 26, 2007

دمّي..همّي..

الدمّ ده دمّي…..
مش دمّ حد غريب….
الدمع ده دمعي..
مش اي بكا ونحيب..
والهمّ ده همّي..
ئطم ضهري..
كسر عضمي..
و سابني في الوحده شريد

الئلب ده ئلبي..
عايش في حزنه شهيد
والعمر ده عمري..
يا ريتة يئل ما يزيد..
و الحلم ده حلمي..
نهش لحمي..
وخطف عئلي..
عيّشني..في الوهم عنيد

الجرح ده جرحي..
ومش لئيله علاج..
والعئل ده عئلي
و حزنه مش مزاج..
عشان الأمر مش أمري..
فرط سبحي..
سرئ فرحي..
و بئيت في الدنيا وحيد

الأرض ديه أرضي
عايش بقاوم ريح
و الئبر ده ئبري..
مش ممكن يبقى مريح؟
و الكفن ده كفني..
لما هيجي يومي..
هلفّه على هدومي
وصدئوني...هبئى سعيد....

الحروف كاتبها زي ما بنطقها و عايزكوا تقروها..كده اقرب للقلب اوي

Posted by ert3ashat at 12:22 PM 19 comments

Labels: محاولات شعريه

No comments: