Tuesday, June 26, 2007

يا رب

يا رب

زهقان وحدي طول ليلي بناجي النجوم
قلبي تعبان..حيران..ملياه الهموم
بدعي وأقول يا رب..
يا رب
يا رب انام بالي مرتاح
ولما أقوم..
القيك زحت كل الغيوم
دنا عبدك و شاكرك و عارف نعمتك
و خايف انا و الله من نقمتك...
و نفسي أعيش انا في جنتك
بس ساعدني يا رب
ساعدني
ساعد قلب وحيد مكلوم

سمكه..في جوانتنامو..3

Saturday, April 21, 2007

سمكه..في جوانتنامو..3


القصه من الأول لو مكنتش متابع
...



طبيخ!...مش قادره...:"(....ريحة الطبيخ مليا خياشيمي...انا حاسّه اني في حوض المطبخ مش في حوض سمك...:(........
انا روحت اتنيلت جوه الحوض و قاعده في حالي بداوي في كرامتي بعد الوحش الصغير ما قرف مني....شفته من بعيد بيجري كدا و بيزعق......أخوياااااااااااااااااااا وقعد يحكيله....طبعا اخوه قال للوحشه الكبيره اللي جت مع الوحش اياه فضربته...اه والله....:):):):):)......انا عيني دمعت من الفرحه...انا المشهد ده اجمل مشهد شفته في البيت ده... لقيت الوحش اخوه جي عليه...و مكلمنيش.....كتّف الحوض و خده جوه على المطبخ......هياكلوني :"(...هياكلوني عشان الوحش الصغير اضرب....لقيته جاب كوبايه من حوض الغسيل...و قام جايب مغرفه...و...و....دبّها في الحوض...ثواني و لقيت نفسي بّره و رماني في الكوبايه...مش دي المشكله...المشكله يا جماعه ان المغرفه كان فيها بواقي حاجه حمرا..انا قلت ده دم السمكه زميلتي..بس لما شالني بيها اكتشفت...ان ده طبيخ.....طبيخ لازق بقاله كام يوم...من يوم ما الوحشه اللي بتيجي تنضف عند الوحوش دول ما جت اخر مرّه-حتى الوحوش طبقات:"(-...وانا لجل حظّي...خياشيمي لزقت في الصلصه دي..:(...انا قلت ثواني و هتعدي..
لقيت الوحش جيه خد الحوض و قام مغرقه صابون...وهاتك يا غسيل...بجد ايه الذمه ديه..بس انا كان نفسي اقوله ان انا اللي اترميت برّه مش الحوض...المهم غسله في نص ساعه كنت انا خلاص حسيت اني حتة لحمه في طبق بسلّه...انا قلت هيعمل معايا الواجب بقى و ياخدني فومّين...لقيته جاب الحوض مليان ميه...وقام شايلني بنفس المغرفه تاني....:(..بس المره دي صفّى الميه من المغرفه...لحسن مية الحوض تضايق..:(...و من ساعتها و اي حد يعدي جنبي...يقول اي ده.............في طبيخ ضارب هنا ...اهيء اهيء.....ده حتى مكلفش نفسه يحط البتاعه اللي بيشيلوا بيها الكلور من الميّه....لحد ما جلدي خلاص.....اتهرى.. و بقى شكلي يقرف :"(....وحووووووش

بدوووووووووور

Thursday, April 19, 2007

بدوووووووووور

بدوووووووووور
بدور في دواير..مش مقاسي..
و شايفك قاعده فيها..
حواليكي الناس..عالكراسي..
الا انا..كرسيّه فاضي..
بعيد..
وحيد..

بقضي الاماسي..
بس بعمل نفسي ناسي..
عشان مزعلش..
و اضحكلك..وانا متناسي..
ولو ان..الامر ميسلمش..
تشوفي في عيني نظره..
فيها حبي..و اخلاصي..

كلهم....
قاعدين تحت الشماسي..
و انا...
لوحدي قاعد في الشمس..
بقاسي..
و كنت مستحمل و عايش..
عشانك..بكل حماسي..
بس خلاص..
انا زهقت..
نفسي..اشوف خلاصي..
انا عايز امشي..اموت..
بس هاتولي..
قبر على مقاسي.......

متااااجيييين احنااا

Wednesday, April 18, 2007


متااااجيييين احنااا


عزيزي المشاهد....مصاء الخيط...النهارده في بورنامج هنتاجك.....هنستمتع مع بعض كلنا...في نفس اللحظه...في نفس واحد...اننا نتاج المدون ارتعاشه....هنتاجه بقسوه...لاخر نفس.....مش هنسيبه الا لما يبقى هو و بلوجه متعرفش تفرقهم عن بعض.....
بص يا ارتعاشه..انا مش زي بقيت المذيعات....اي ام ديفيرينت...انا هسيبك تواجه المشاهد ببلوجك...من غير وسيط....
طب ممكن اقول حاجه يا هانم...
لا مش ممكن.......ابتدوا التاجات...

الو...ارتعاشه..انا ندى و بجد انت صعبت علي...انا هتاجك برقه...تاج من سؤال واحد....
ايه اتفضلي يا ندى....بس بالراحه والنبي...بلوجي هيتقطع خلاص..
لا متخافش يا ارت.......
متخلصّي يا ندى انتي هتاجيه ولا هتطبطبي عليه...
انت ليه اخترت الاسم الغريب ده؟
بصي يا ندى...انا هقولك...بس بلز ده سر...يعني تقربي من الشاشه وتحطي ايدك حوالين الاجابه عشان محدش يشوفها..ممكن..
اتّاج وانت ساكت....
حاضر يا ابله...
الاسم ده طلع كده...في لحظة تجلي..يعني كنت بهزر مع واحد صاحبي فقلت الاسم ارتعاشات على حاجه تانيه خالص...بعدها بيومبن قررت اني اعمل بلوج عشان يجي اليوم اللي ادي بلوجي للمشاهدين يتاجوه براحتهم..:"(..المهم بعدها بيومين قررت اعمل البلوج فكان الاسم في بالي و زودت عليه حياتيه...
ده تاج شخصي نابع من رغبهه دفينه يا ندى فمش همرره لحد...
*******

فلت يا خفيف..قصدي يا عزيزي ارتعاشه...
اللي بعده...
الوو....ارتعاشهههههههههههههههههههههههههههههههههههه انا هتاجك...هتاجك...هتاجك....هتااااجك...
تاجه يا بني ادم...تاجه امال احنا جايبينه ليه..
معلش سامحيني اصلي اول مره اتاج حد...
لو تقدر ترجع الزمن مره واحده,تعمل
undo
لموقف ما,ايه الموقف اللي حتختار تشطبه من حياتك؟
ممممم...سؤالك صعب...بلوجي هيطق من التفكير...
من سنتين كده اديت حب و اهتمام لسوم ون مايستهلش...و ده ضايقني جدا و حسيت اني كنت ميكروباص..رخيص و بقضي الغرض..
**
لو معاك طاقيه الاخفا,حتعمل بيها ايه؟
هلبسها عشان ابقى اطمن على السوم ون اللي بحبها حتى لو مكناش مع بعض..
عارف حاجه خياليه كده اني ابقى متواجد علطول...موجود شايفها.و هي مش شايفاني..مش متوقعه اني موجود برضه عشان احميها....حتى لو اتكعبلت اكون اول واحد يسندّها....
**
لو تقدر ترجع بالزمن ليوم واحد بس,لاي وقت او يوم,ترجع لامتي و فين؟
ارجع لما كنت صغير...بريء كده مش عارف حاجه...لا بكره ولا بنيل...لا عندي مذاكره ولا هموم توجع القلب...........حاجه تشل...اه و كمان ارجع اتفرج على توم و جيري و بنك بانثر انا لسه بشوفهم بس زمان بنظرة الطفل كنت بتغاعل معاهم اكتر

**
لو معا مصباح علاء الدين,ايه التلات طلبات اللي حتطلبها من الجني؟
انا حاسس اني في اختبار..كل الاسئله على مستوى الطالب الفظيع ;)
يذاكرلي شويه و صدقني هيعتزل لو طلبت منه كده...
يفضل يعملي شاي عشان انا كييييف و بصراحه مبلقيش حد يعملي حاجه..
يمسك دكتور عندنا في الكليه و يتاجه بمعرفته ..
:D:D:D:D:D:D:D:D
**
لو تقدر تعيش في شخصيه تانيه ليوم واحد,او حتى علي طول,تحب تعيش بدل
مين؟
نفسي اكون بيانو...اه و الله بيانو...في ارق منه..في في حلاوته و طعانته...شكله حلو و جذاب و احساسه رائع...كان نفسي اتعلم اعزف بس ربنا يخليلنا التعليم الحكومي على رأي نبيذ ..:)...نمى مهارات كتير و ساهم في اخراج جيل عديم المواهب كثير الحشاشين...
**
سؤال شبه الاولاني,نفس قدره ترجيع الزمن,حاجه حتعملها و انت مش قادر تعملها و خايف من
النتيجه بتاعتها,معاك لقدره دي,فتقدر تعمل الحاجه دي و لو فشلت ببساطه تعمل ليها
undo
و يا دار ما دخلك شر,ايه هي الحاجه دي؟
مش عارف والله.......اصل لو في حاجه مش هبقى خايف منها بصراحه...

ههييي هيييي هي ماما ..ماما...انا تاجت ارتعاشات...

شاطر يا حبيبي...

******************************
التاج الاخير للنهارده للاسف يعني...من عند حدوته مصريه بعتاه بالاميل...

خمس حاجات محدش يعرفها عنك

ممممم...
اصل لازم حد بيبقى عارف ..:)..انا همشيها ان قصدكوا مثلا معظم صحابي و كده...
1-
انا دمعتي قريبه جدا...جدااااا ...اقرب من زرار انتر و انت جي تبعت كومنت...من اي حاجه...ممكن اغنيه رقيقه تلمس قلبي...لحن حتى بس...فراق...حتى لو حد من اهلي هيبات بره البيت يوم واحد اي نعم ببقى انا و اخواتي هاريين بعض :)..بس برضه مقدرش...كلمه رقيقه من حد حتى لو معرفوش..

2-
زمان كنت بؤمن بموضوع الوحوش اوي و العفاريت و كده...يعني مثلا لو نايم و شماعة الهدوم الواقفه ديه و الاوضه ضلمه مبقدرش اغمض عيني بحس انها هتقلب وحش في اي لحظه..:)...لا واللي يضحك بقى اني لسه بؤمن..هههههههه بس مش زي الاول طبعا...

3-
انا بسامح بسرعه اوي اوي اوييييي...و بصفى و كل حاجه...بس لما مواقف بتتكرر...بتطلع جوايا ذكريات قديمه لحاجات ضايقتني من نفس الشخص..بتتجمع مع اخر حاجه عملها و ساعتها مش بكرهه لا بس مببقاش قابل شخصيته..و انا لو وصلت للمرحله ديه ف اكيد مش هعرف اتعامل معاه...

4-
هههههههه و انا عمال افكر...ما انتم مش عارفين اسمي...و اصحابي اللي ميهمونيش معرفهتمش اني عندي بلوج...ههههه

5-
في جوانب كتير في شخصيتي ناس كتير اوي ان مكنش كلهم يعرفوا عنها حاجه اصلا...

تحب نتاج مين بعدك يا خفّه..قصدي يا ارتعاشه..
ايي.ايييييييي....
احب اتاج
ندى لما ترجع تاني ان شاء الله..
جرووم اول مره اتاجك..:)..اشرب يا برنز..
سلمى..
ريما اللي اسمها جميل..
نوثينج تو لوز..
نوني...
لما...
نرمين..
بني ادم ....

صلوات ليليه...

Tuesday, April 17, 2007

صلوات ليليه...

و ايد ممدوده بتصلي

و دعوه من لسان مبلول

و سكر من غير خمر

و طاعه من غير امر

جدول و جاري من علاه

و سماه

و تهويدته و مناه

لاجل ما ينام في سكوت

يحرم الليل من بكاه

مقدرتش امسك نفسي يا جماعه و انا بقرا القصيده ديه...

بجد يا جماعه احساس صادق رهيب....

.انا عاملها توبيك مخصوص.

.احييك يا دكتور نور على القصيده الرائعه.....

بعنوان صلوات ليليه

ارجوك استمر..

.يا رب تعجبكم...