Saturday, April 14, 2007
سمكه..في جوانتنامو.....2
ااااااااااااااااااااااااااااااه يا عينيييييي :"(..اهيء اهيء…اه يانا….ااااه يانا….سامحوني يا جماعه لو لقيته غلطات املائيه عشان انا مش شايفه قدامي اصلا…اهيء اهيئ…انا كان ايه جابني هنا بس…اهيء اهيء…
انا هحكيلكم كل حاجه..كل حاجه….بس ابوس ايديكم ساعدوني…:(...الفلاش..
الفلاش....................................القصه ديه ابتدت في يوم ماطلعتلوش شمس...انا فكراه...بتاريخ 20-2....:(....ده يوم لن تنساه الحياه البحريه...الموضوع ابتدى...ان الوحش العريض...اعرض وحش في البيت....انا مشفتش كده بصراحه..المهم...الوحش ده ربنا تاب عليه من الموبيل ال 3310 القديم و فتح عليه ب موبايل جديد من اللي بكاميرا و حركات...هو فاكرني مبخدش بالي...بس انا واخده بالي من كل حاجه...من يوميها يا جماعه...وهو كل كام يوم...يجي يضلم نور الصاله...يضلمها خالص...انا مببقاش شايفه زعنفتي....و فجأه.....احس بنفسه بيقرب...بيقرب...بيقرب....اقوم انا لازقه نفسي في القزاز.....ويقوم لازق ضهر الموبيل في الحوض....انا بجري استخبى ورا الموبيل عشان ميشفنيش........انتم مش متخيلين انعكاس ضوء الشاشه الضعيف على وشه...بيبقى وحش رهيييب..انا ببقى خايفه ياكلني...ابص عليه كده...الاقي على وشه ابتسامه بلهاء........و فجأه...........................................تيــت...يضرب فلاش........انا بتسرع يا جماعه...بجد....انا بحس اني كلّي نورت و هيكلي العظمي بان زي رفيقة السلاح السمكه بتاعت توم و جيري....بتسرع بفضل اخبط في القزاز 5 دقايق...و مببقاش شايفه قدامي...ده انا مره مكنتش عارفه انام من بواقي النور اللي كان خارج من عيني...لا و ايه...:"(...اسمعه بيقول...:"(.....يا أخوياااااااا تصدق الفلاش طلع قوي....:"(...مش بقولكم وحوش....:"(
الوحوش دول بيجلهم ضيوف...و سبحان الله وحوش برضه....و برضه احجام مختلفه...مره من ذات المرات...جالهم مجموعة وحوش فيهم وحش صغير في حجم اصغر وحش في العيله ديه...جالهم و الوحوش دخلوا قعدوا جوا مع بعض و انا ببص عليهم لقيت الوحش ده بيقرب عليا و ناوي على الشر...انا لزقت في القزاز و كان نفسي اصرخ حد يجي ياخده من هنا....لقيته بيقرب من الحوض و على عينه نظرة غباء...و عمال يدور على حاجه في الحوض...و فجأه.....لقيته مد ايده... وقف صوباعين كده شبه عصاية الغليه...و قام دببهم في الحوض...ببواقي حاجه بني كانت في ايده مش عارف دي ايه بس لو عملنا حساب لانهم وحوش المفروض متطوره ف المفروض ديه شوكولاته...هنمشيها شوكولاته...وقام مادد ايده..انا قلت هيغسلهم...لقيته بيلف ورايا...اه و الله...انا عارفه انتم مش مصدقين بس هو فعلا كده...و اصلا الحوض ضيق...قام مسكني من ديلي...و قربني منه انا قلت هياكلني...:"(....ده انا مش عارفه السمكه زميلتي اللي ماتت عملوا فيها ايه جه الوحش بتاع الفلاش و شالها و دخل بيها المطبخ بعديها بشوايه لقيتهم بياكلوا...المهم لقيته بيقربني منه انا استسلمت خالص....و فجأه....يا ميـــــــدوووووووو.....قام ميدو مخضوض وطوحني خبطت في الحيطه و وقعت على البوفيه........و انا بستغيث...يا ميدووو...يا مودمود....ارجووووك....كنت كلني و خليني ارتاح...بس متسبنيش اتعذب لحد ما اموت....بزمتكم في وحش اسمه ميدو:'(...بس جيه الوحش الصغير و صعب عليه يتحرم من انه يعذبني كل يوم الصبح قام شايلني و هو قرفان منّي و رماني في الحوض. زي الحشره...و انا ساعتها حلفت اني مش هتخضله تاني يوم عشان يبقى يقرف تاني...بس ملحقتش............هتعرفوا ليه.....
No comments:
Post a Comment