Tuesday, June 26, 2007

لا عايز أعيش ولا أموت

Wednesday, March 21, 2007

لا عايز أعيش ولا أموت

أنا بس نفسي الوقت يفوت

ومعاه الأحلام تروح

تاخد وياها الجراح

نفسي بقى أعيش مرتاح

لا عايز أعيش ولا أموت

أنا بس عايز تابوت

أدفن فيه الذكريات

والماضي اللي مات

ومعاه كل الاهاات

لا عايز أعيش ولا أموت

انا بس عايز ورق تاروت

يمكن يقوللي اللي جي سعيد

يمكن هعيش على أمل جديد

في حب هيكون لسه وليد

لا عايز أعيش ولا أموت

أنا بس عايز في السما أفوت

لدنيا حلوه غير الدنيا

فيها الناس حاجه تانيه

فيها حب مفهاش أنانيه

لا عايز أعيش ولا أموت

ولا عايز دهب وياقوت

يكقيني قلب دافي حنون

أحبه بقلبي حب مجنون

أحارب عشانه كل الكون

ساعتها هعيش مش هموت

ولا هاعوز الوقت يفوت

ولا ليه لازمه ورق التاروت

وبدل التابوت هجيب ياقوت

اديهولك ياللي لقلبي قوت

Posted by ert3ashat at 9:16 AM 13 comments

Labels: محاولات شعريه

No comments: