تيجي؟

Saturday, April 7, 2007

تيجي؟

عشانك انتي..

هرقص هغنّي..

دنا قلبي حبك..

ولا عاد هاممني..

الناس تشوفني..

او تحكي عنّي..

ولا نفسي مرّه..

الوقت يمشي..

وانتي معايا..

حضنه هوايا..

ساعتها هفضل..

.....سهران منامشي.....

**

تيجي؟..

تيجي اخدك ونمشي؟..

فوق السحاب..

ولو تعبنا..

نقعد نريح..

في حته دافيه..

دافيه بقلبي..

سانده عليّا..

راسك و أخبي..

شعرك بكفّي..

ساعتها ههمس..

كلام كتير..

لكن يا وقت..

.......يا ريت تكفّي.......

**

تيجي؟..

تيجي انا و انتي نرقص..

فوق القلوب..

ده العمر مرّه..

يلا ندوب..

مش يمكن ساعتها..

هحبك اكتر..

مع انّي لسه..

قاعد بفكر..

هو لسّه ممكن..

يكون في اكبر..

من انّي حسّك..

ل بوئي سكر..

و بعيني شايفك..

قمر منور..

ياريتني بعرف..

اقول و اعبر..

لو زي شاعر..

......او حتى اكبر.......

**

دنا قلبي حبك..

و داق في حبك..

الويل ساعات..

بس احنا قلنا..

ننسى اللي فات..

ف كل اللي فكره..

حاجات جميله..

وحاجات لذيذه..

و حاجات تخلّي..

القلب فرحه..

...........جواه يبات...........

Posted by ert3ashat at 2:42 AM 26 comments