الحلم مشوار...

Friday, March 30, 2007

الحلم مشوار....

في دربنا...

كنا ماشيين سوا...

ماسكين ايدين بعضنا...

خايفين من النوى...

و حبنا...

كان مالي قلبنا..

و كان سرحان عقلنا...

في العشق و الهوى..

*

بس فجأه......

*

النور انقطع...

و حلمنا...

صرخ من الفزع..

و اتمزع...

اترميتي في حضني و صرختي معاه...

مسكت ايديك و جرينا وراه...

حسيتك ضعيفه تعبانه...

قوّيتك و احتويتك...

وقلتلك...

حتى لو المركب عطلانه...

و الوحوش جعانه...

والمطره مش رحمانا...

و اللهي لأحميكي...

و بدمي..افديكي...

ده اناعايش ليكي...

*

بس و حياة عيونك البنيه...

خلّيكي ليّا...

اتحامي فيّا..

دي ايام معديّه...

او سحابة صيف مهدّيّه..

و مسير النور هيجي...

و هنوصل لأخر الطريق...

*

و فعلا مشينا..في قلب الحريق..

بصينا و لقينا...

من بعيد في بريق...

جرينا و جرينا...

على الوحوش عدينا...

ومن المطره اتهرينا...

بس في الأخر فرحنا...

فرحة الورد الرقيق...

و حبنا بيبتسم حولينا...

بسمة الطفل البريء..............

Posted by ert3ashat at 10:15 PM 19 comments