Tuesday, June 26, 2007

أنا هويت..و اتاجيت...:)

Sunday, April 8, 2007

أنا هويت..و اتاجيت...:)

بسم الله الرحمن الرحيم....اصدقائنا المشاهدين...ارتعاشات يحيكم من اعلى نقطه في استاد البلوجر ..النهارده معادنا مع التاج التاني....او تاني مجموعة تاجات جاتلنا..بس قبل ما نتكلم في المفيد لازم نتكلم كلام ملوش لازمه ف احب احيّ السيد مدير امن البلوجر و الساده المدونين والساده اللي مش مدونين...حتى الساده اللي مش موجودين..بنبعتلهم تحيه...
طبعا وانت قاعد قدام الشاشه...ضهرك مستقيم و باصص للشاشه نظره مستقيمه برضه...هيبقى التاج في وشك على طول و هيبقى ارتعاشات قاعد قدام شاشته فطبيعي انت مش هتشوفوا..يلا ثواني و التاج يبتدي..انا بس مستني كوباية اليانسون عشان نكمل المباراه على خير...يلا..خلاص..


*******

التاج الاول و ده من عند الله يعمر بيته سمسم..و ده ب الانجليزي يا ريت ندى كانت موجوده بما انها بتفهم فرنصاوي

ف اكيد الانجليزي كمان...باين عليها كده بنت شاطره و تفهمها و هي طايره..عموما مع بعض كده و اللي مش هفهموا ابقوا ترجموه في الكومنتات...


last beverage?

RC كولا..
عرفينها...انا دقتها مره زمان و كانت حلوه بس دقتها امبارح..و ماشاء الله بقيت طعم الشاي بالظبط..

last phone call ?

واحد صاحبي كان المفروض جايبلي ورق...بس القدر كان اقوى مننا....هو اتزنق في الكليه و انا سقطت...:"(

last instant message ?

لا بقى...لاااااااااا...رايح فيييين يا بابا...مش للدرجه ديه...المازنجر ليه حرمه برضيك...مش كده امال....

last cd played ?

روبي..مشيت ورا احساسي..على فكره التوزيع الشرقي بتاع الاغنيه ديه جامد جدااااا

date some one twice
استغفرك يا رب و اتوب اليك...ولا ونس و الله....بس انا عندي استعداد للانحراف بس حد ياخد بيدي...مدون كده يكون لون و ليه في الحركات نشجع بعض و نتسجن في الاخر..:)

been cheated on
الا الشتياته ياجماعه...مبحبهاش..بكرهها و الحمد لله محصلش.

lost some one special
ممكن كان سبيشيال قبل ما اخسره انما اكيد لما خسرته مكنش انسان سبيشيال..كان انسان عاده او حتى كماله....

been depressed
يوووووووووه متعديش يا أختشي....

been drunk & throw up
الحمد لله..مبشربوش...

favorite colors
والله ده بيتوقف على الحاجه نفسها..يعني لو عربيه او بدله هتبقى سوده....لو منظر طبيعي هحب اللون الازرق اوي...لو فستان سهره يبقى احمر...كده يعني انما مش لون مفضل في المطلق بس لو لازم اضحي هيبقى الازرق السماوي اجمل لون

made anew friend
انا حاسس اسئلة التاج ده غامضه..مش كامله..هو انا في امتحان..:"(...عموما اكيد عملت نيو فريندز

fallen out of love
مش فاهم...حبيت قبل كده ولا ايه؟؟..عموما لو كده مش هرد...:P

laughed untill u cried

ممممم...اه اكيد في مره فضلت اضحك لحد ما دمعت..و فضلت اخردموع...دموع...دموع...لحد ما نقلوني المستشفى...

met some one who changed ur life
اكيد....ربنا يكرم سوم ون ده و يوفقوا و ينجحوا في حياته يا رب...

found out who ur true friends were
ايوه..

is there some thing u want to tell some one
لا الحمد لله اللي في قلبي على لساني..و فوق كده بلوجي شفاف...

how many kids do u want to hv
2 يا ناااااااااس...2 بسسسسسسسسسسسس

do u wanna change ur name
لا ابدا لا الحقيقي ولا البلوجّي...بحبهم

wt did u do 4 ur last birth day
نمت كويس عشان اقوم فايق تاني يوم.....

wt time u wake up to day
7:35 am

most visited web page
ما بلاش احراج..:D:D:D:D:D:D:D:D:D:D...
لا بهرج
مصراوي...بلوجر...hi5...

pass this
لا هشوط في الجون على طول...:)
هباصي في الاخر
************

التاج التاني وده من خالد و ده اول تاج جالي في الكومنتات...


انت مين؟
ارتعاشات...مش هقول اكتر من كده ..اكيد انتم عارفين من خلال الكتابات و كمان مش هقول انا شاب مصري و الكلام ده انا عارف ان كل واحد فيكم خايف على مرارته..

مين اكتر ست اشخاص بتحبهم؟
:)..هو انا عارف الاجابه...بس هسيبك تخمن..:P

انت سعيد؟
سعيد بمعنى راضي عن نفسي و عيشتي ف اه اكيد الحمد لله...سعيد بمعنى مبسوط فحتى لما مببقاش مبسوط بحاول انبسط على قد ما اقدر

ليه؟
ردينا فوق...

لو زنقت حسنى مبارك فى اوضه لوحدكم تعمل معاه ايه؟
هسلّم و امشي...

لو معاك مليون ونص جنيه تعمل بيهم ايه؟
هاتهم بس و انا انغنغك...

فرضنا انك امت من النوم لقيت نفسك بالاندر وير وسط ميدان عام هيبقى ايه شعورك؟
زي شعورك بالظبط...

بتحب مصر؟
ايوه..

بتحب البنات؟
كخلفه يعني و لا ايه؟..لو خلفه ف اه انا لو ربنا رزقني بنتين هبقى مبسوط اويي انما لو البنات عادي يعني..ف اه :)....حلوين و الله...

انت مسلم؟
الحمد لله..

ليه؟
لنفس السبب اللي انت مسلم عشانه..
***************


التاج التالت بقى و ااخير في حلقة النهارده من عند الاعزاء نو ثينج تو لوز...او
Nothing o lose..:D


مين اكتر شخصيه متقدرش تستغنى هنا فى حياتك ؟؟
اي حد حنون اعرفه مقدرش استغنى عنه..

وليه ؟؟
واضح ليه اكيد..

ايه اكتر موقف محرج اتعرض ليه ؟؟
مش فاكر و الله....مممممم....يمكن اتهزقت مره في امتحان شفوي قدام زمايلي :'(

واتصرفت ازاى ؟؟
اتكسفت لفتره بسيطه..تسألني ليه..هقولك عشان كلهم اتهزقوا..كل واحد في لجنته..:)

ايه الامنيه الى بتدعى دايما ربنا انه يحققها ليك ؟؟
اني اكون انسان كويس في كل حاجه و يرزقني ب بنوته رقيقه و حنونه و رومانسيه عشان اشيلها في عنيا..:)

واتحققت والا لسه ؟؟

واضح انه لسه بدليل اني بدعي..ولا ايه..:)
**************
امرمر لتاج ل
دواير و شاب عادي عشان ردوا على التاج على طول..
د.شيماء تخاريف و د.دياموند الي بتكلم نفسها زملاء الكفاح...
ابيتاف و حدوته مصريه عربون بلوجه..:)
هدى..ندى..معلش انا عارف لسه معملتيش الاولاني..
الورده السوده وايموس يا رب ما تعنس

No comments: