Friday, August 24, 2007

انا ليكي


انا ليكي وانتي ليا
اديكي عمري وكمان شويه
اديكي قلب مليان حنيه
اديكي حبي
اديكي شوقي ولهفتي
اديكي كل الدنيا ديه

خليكي جنبي كمان شويه
دفي بردي بلمسة ايديا
زيحي همي و طيري بيا
كتير زعلت و ما هون عليا
غير سمعي منك "امسحها فيا"
او حتى قولة
"حقك عليا"
دول زي بلسم
زي ميه على ارض عطشى
زي مرهم على جرح مهري
دفاني و قواني

و رد روحي فيا

غريبه جدا لما تبقى
"يا رب" هي بعد "شوقي"
"
فكرت لما جيتي "قصري"
و سمعتك انتي جواه "قصايدي"

"لو في"عدت لكن بسرعه
ساعتها دورنا جوا "الدواير"
بس برضه
غريبه جدا لما تبقى
"يا رب" هي بعد "شوقي"

صدقيني حبيبتي
.....
انا ليكي...و انت ليا...
الجزء الاخير مش هيفهمه غير عشاق مروان خوري :)

11 comments:

catroz said...

انت يا ابنى بجد كده مينفعش
هنروح فين بعد الحاجات الحلوه اللى بتكتبها ديه
لالا كده كتير علينا
بجد سكر اووووووووووووى
جامده بجد بجد يعنى
:D
بجد تسلم ايدك يا جميل

وفهمت اخر حته
انا من عشاااااااق مروان خورى

catroz said...

ايه ده ايه ده

النهارده انا اول كومينت عند 3 اشخاااااااااص
نيهاااهاااهااا

:D

Dr.Diamond86 said...

الله عليك
والحمد لله أخيرا فكيت الاكتئاب شوية
بس اكتئاب وحزين أو فرح المدونة بتاعتك بجد نسمة هوا ف عز الصيف
واه فعلا محدش هيفهم الجزء الاخير غير معجببى مروان خوري

Radwa said...


زي ميه على ارض عطشى
زي مرهم على جرح مهري
دفاني و قواني
و رد روحي فيا

غريبه جدا لما تبقى
"يا رب" هي بعد "شوقي"
" فكرت لما جيتي "قصري"
و سمعتك انتي جواه "قصايدي"
"لو في"عدت لكن بسرعه
ساعتها دورنا جوا "الدواير"
بس برضه
غريبه جدا لما تبقى
"يا رب" هي بعد "شوقي"


انا مش من عشاق مروان خورى ولا حاجه
بس جميييييييييييله جدا

sa'7so'7te said...

ana 2aret 2a5er goz2 fo2 el2arba3 marrat we lebest elnaddara we 3adalt 2a3dete we kabbart elkalam we 7awwelt 2arattebo
bs maleyyash naseb
momken teshra7hale welnabe

~ Bato0ot ~ said...

lo0ol 7elwa awy goz2 3osha2 marwan khoury el ana mnhom .. w gamila awy kalematak kolaha .. :) to7faaaa

احساس لسه حى said...

عزيزى
جميله اوى
بس انا هتديها كتير اوى
شوف هتديك ايه بقه هى
وكمان يعنى انتا بتكتب لفئات بقه
محبين مروان خورى
طيب فهم اللى مش بيحبوا او بيحبوا ومفهموش
علشان خاطرك نسمعوا
سلام

klmat said...

محظوظه جدا
ملهمتك اللى
بتخليك تكتب
الشعر الرائع ده
حقيقى جميل جدا
كل سنه وانت طيب
تحياتى ودعواتى بالتوفيق

one true thing said...

اد ايه بجد
والله اما مش لاقيه كلام اقوله
حاسه ان كل الكلام مش هيوفي القصيده حقها
بجد تسلم ايديك
خليكي جنبي كمان شويه
دفي بردي بلمسة ايديا
زيحي همي و طيري بيا
كتير زعلت و ما هون عليا
غير سمعي منك "امسحها فيا"
او حتى قولة "حقك عليا"
دول زي بلسم
زي ميه على ارض عطشى
زي مرهم على جرح مهري
دفاني و قواني
و رد روحي فيا
عاجبني اوووووووووي
انا بجد اتاثرت في الحته دي اووي
ربنا يوفقك
تحياتي

Abeer said...

حلوة اوي والله
انا حاسة اننا قريب هنسمع عن مؤلف اغاني اسمه ارتعاشات
ربنا يوفقك يارب

بس في حاجة

زي مرهم على جرح مهري

محسيتش الجمله ديه خالص
:(

break said...

انا سمعت سيرة مرهم
فجيت جرررررررررررى طبعا
جميلة كالعادة تسلم ايدك
:)