Thursday, August 9, 2007

لو كنت بجم

مشيت
مشيت في طريق الندم
حواليا الدنيا عدم
لا شايف انس ولا جن
كل اللي شايفه غنم
متساقه بدون اراده
متساقه للالم
و انا هنا بكتب شهاده
بكتبها من غير قلم
يمكن لو مكنتش انا
يمكن لو كنت بجم
كنت قدرت اعيش مبسوط
كنت شفت من الزمن كرم
مكنتش تعبت من حاجه
مكنتش عشت الظلم
مكنتش هبقى فاهم
ولا عارف معنى الشجن




اعدوروني لانشغالي هرد على التعليقات في اقرب فرصه

36 comments:

ro7 said...

السلام عليكم
فــنـــان
مش هقول غيرها
تحــــياتى

break said...

ايه دا ايه دا
انت كدا غلطت فى البنى ادمين كلهم _ وش احمر بيزعق _
هيبئا فى ضرب نار كدا

Ert3ashat said...

لا مش كده..ليه متقليش ان ده اللي انا شايفهم في مجال رؤيتي :)
متخديش الموضوع بشكل شخصي...انا منتظر رايك في الشعر :)

one true thing said...

الله بجد والله الله
يتشل الكلام عن التعبير عن حلاوتها
ايه ده بجد في ساعات بلوجات تحس انك بتدخل تلاقي كلامك اللي انت عاوزه تقوله ومش عارف
اهو انا بجد شفت احلى من الكلام اللي كنت اتمني اقوله
بجد قصيده توحفه
ربنا يكرمك

HaMbAcAWeY said...

الإبهار هو عنصر من العناصر اللى بلاقيها فى بلوجتك على طولو الإبتكار عندك عالى أوى 0
الشعر حلو أوى أنا حسيت إنى بقرأ لصلاح جاهين ،ربنا يوفقك0

catroz said...

شكلك شااايل جواك كتير اوى من الدنيا دى
ربنا معاك
الكلام بجد قريب من القلب اوى
متحاولش تبص بالنظره المتشائمه دى
حاول تنبسط شويه
الحياه احلى من كده يا ابنى
لما انت عندك 22 سنه بس
امال لما يبقى عندك 40 هتعمل ايه
ربنا يديك طوله العمر
بس خليك متفاااائل
:)

عين ضيقة said...

جايز

ولو انى مااعتقدش

سلام

break said...

الشعر حلو و كل حاجة
بس ما زال اعتراضى قائما
اودامك فرصة للانسحاب اقل من اربعة وعشرين ساعة يا كدا يا هنضرب فى المليان

smraa alnil said...

حتي لو كنت بجم معذرة يعني للفظ
مش هتسلم لظلم الانسان عليك
اصل بعيد عك الانسان بيبص للحيوانات انهم مخاليق مش بيحسوا

جايز تكون انت مختلف لانك حااسس بمعاناه الشراب والسمكة
:)

في غيرك ماشي وخلاص
لما بنقول لواحد يا حياوان
جايز يكون الحيوان افضل منه

علي الاقل مش بيهاجم
ولا بياكل حق اخوه

بس بجد كلامك حلو اووووووووي

حصان بري said...

مكنتش هبقى فاهم
ولا عارف معنى الشجن

فعلا عقلنا واحساسنا هم سبب ألمنا
ذو العقل يشقى في الجحيم بعقله *** و أخو الجهالة في الشقاوة ينعم

تحياتي يا باشا
بجد حلو

احساس لسه حى said...

عزيزى
الطلم كتير ومن جهات كتير
بس فى ظلم لما بيجى من حد بنحبه اوى بنتوجع اوى
اه من ظلم الحبيب
خليك انسان اوعى تكون بجم
سلام

SAKAyAR said...

ليه بنندم ع اللي فاتنا
واحنا لسه في الحياة
ليه بايدنا نحط جرح
جوه كل طريق لفرح
والأمل يدوي يصداه
ليه بنرضى نكون بجم
ندفى جوه عيون عدم
ليه شايفنا متساقين
واحنا أفضل مخلوقين
ايوة أيام بصحى أحس بحزن جامد
بس طول ما الاقيني عايش
قلبي بيقوللي اني صامد


لو انت مشيت لقيت كده
اجري ... ممكن تلاقي أحلى من كده
اسلوبك جميييل وعاجبني الخاطرة بتاعتك لكن هيه وجهات نظر
ويااارب دنيتك تبقى أحلى كل يوم

تخاريف خاصه! said...

:D
جامده بجد...
بصرف النظر عن العنوان....
:D
كان ممكن يببقى "لو كنت صنم"
بدال الشتيمه....
:D

كراكيب عادل said...

ايه ده ايه دة

يوميات شراب وبعد كدة البوست المتمرد دة

ومشغول في اية ؟؟

انا جاي اسلم

Noony said...

ارتعاشاااااااااااااات
ازيك؟
اية أخبارك يا بني؟
اية عم الحزن دة؟
غنم؟ قطيع يعني؟
بس تصدق؟ عندك حق
:(
بسيطة أوي القصيدة دي بس جميلة

:)
نوني

HaMbAcAWeY said...

أنا هعلق تانى مش قادرة
و الله ساعات بدخل البلوج بتاعك علشان أقرأ القصيدة بس كل شوية
صدقنى دة أحلى ما كتبت
إنت موهوب بجد
فعلااااااااااااااا

Hadota .. حدوتة said...

مين عالم
ساعات بنتمنى حاجات
ولما بتتحق نقول ياريت كنت فضلنا زى ما احنا


تحياتى ليك
الكلام من قلبك
:)

bocycat said...

الحمد لله انك مش بجم مكنتش حدخل عندك خااالص

Ert3ashat said...

روح:
اشكرك يجد
اسعدتيني:

Ert3ashat said...

وان ترو ثينج:
ربنا يكرمك يا رب بجد مش متخيله كامك اسعدني قد ايه

اشكرك

Ert3ashat said...

همبكاوي:
بجد واله ما عارف اقولك ايه
ربنا يكرمك يا رب و ان شاء الله على وا الشعر يعجبك

Ert3ashat said...

كاتروز:
اشكرك بجد على كامك
هي اوقات بتعدي على الواحد :)

Ert3ashat said...

عين ضيقه:
كل شيء جايز و صدقني...لو طلعت انا غلان مش هيكون في حد اسعد مني

Ert3ashat said...

بريك:
طب انا اضطريت اسافر و بجد انشغلت مفيش فرصه كمان طيب :)

Ert3ashat said...

سمراء:
بجد انا سعيد بزيارتك و بكل تعليق :)
انتي بجد فهماني :)
اشكرك

Ert3ashat said...

حصان بري:
ربنا يكرمك يا رب
فعلا هي دي المشكله..التفكييييير

Ert3ashat said...

احساس:
انت جبت من الاخر :)

Ert3ashat said...

سكاير:
انت بجد قصيدتك ديه تحفه
انت رائعععععع

Ert3ashat said...

تخاريف:
هاهاههاهاهاهااا

العنوان الصادم كان مقصود :)
عملتي ايه في الامتحانات

Ert3ashat said...

كراكيب:
ايه رايك
اي خدمه يا باشا :)

Ert3ashat said...

نونيييييييييييييي:
نورتنيننييييييييييييي

ربنا يكرمك يا رببببب

Ert3ashat said...

همبكاوي:
ربنا يرمك يا رب و الله تعليقك اسعدني جدااا

Ert3ashat said...

حدوته:
يمكن...مين عارف

Ert3ashat said...

بوسي كات:
اكيد؟......اصل انا ....انا....مش بجم :)))))
نورتيني:)

klmat said...

لو كنت زى ما بتقول
كنا حانتحرم من الكلام الرائع ده
وصدقنى لو كنت بعد الشر....ماكنتش
حاتكون مبسوط
الغنم بردوا بيشقى ويتعذب
و بيدبح فى الآخر
رائع رائع
ربنا يفرجها عليك
تحياتى وسلامى

klmat said...

لو كنت زى ما بتقول
كنا حانتحرم من الكلام الرائع ده
وصدقنى لو كنت بعد الشر....ماكنتش
حاتكون مبسوط
الغنم بردوا بيشقى ويتعذب
و بيدبح فى الآخر
رائع رائع
ربنا يفرجها عليك
تحياتى وسلامى