Wednesday, August 15, 2007

الانتماء

ايه هو الانتماء؟؟او ليه موجود؟؟...
يعني...انت و انت طفل...متعرفش حاجه في الدنيا...ليه بقيت تحب بابا و ماما و عندك انتماء للبيت...عشان قاعدين معاك على طول...واخدين بالهم منك....بيعملولك اللي يريحك...انت عيل ولا فاهم حاجه...الاتنين اللي هتطلع تشوفهم هيبقوا ابوك و امك عشان بس الناس اللي هتقول غريزه....لو قلنا ان ابوك و امك رامينك...محدش بيسأل فيك...سايبينك في الشقه لوحدك...تواجه الضلمه و الخوف و محدش بيعلمك ولا يسأل فيك...بس ايه...سايبنلك مية الحنفيه مفتوحه....تفتكر بقى لما تكبر و ميبقاش عندك انتماء للبيت ده هيقدروا يقولولك و الميه اللي انت شربتها؟؟؟؟؟؟؟
الانتماء عطاء بينتج عنه احساس بالولاء والحب....مش بس الواحد يدي و خلاص....ولا ايه؟؟!!

على فكره عكس الانتماء مش الخيانه..لا...ابدا...عكسها عدم الانتماء....

19 comments:

sendbad said...

اعتقد ان الانتماء نوع من انواع الحب
يعني لما احب شئ انتمي ليه
انا بحب عيلتي يبقي بنتمي ليهم واحس بالولاء ليهم او بحب مصر او حتي لما احب الشارع اللي سكن فييه
تحياتي

catroz said...

انا تقريبا فهمت انت عايز تتكلم فى ايه
قصدك لما اهلنا مش يشاركونا مشاعرنا
لما يهتموا بحاجات تانيه و شايفين ان ده فى مصلحتنا
لكن من وجه اخر اللى بيعملوه ده بيضرنا حبه حبه
بيشتغلوا و ينهمكوا فى العمل
على اساس انهم يجيبوا لينا فلوس و نعيش حياه كويسه
هما شايفين كده
ناسيين اننا اصلا محتاجين يشاركونا حاجات تانيه
يبقوا عايشين معانا
فى نفس البيت
و تقريبا ولا يعرفوا عننا حاجه
عارفين بروح الجامعه الصبح و برجع الساعه 6
لا عملت ايه ولا فى مشاكل ولا اى بتنجان فى اى بتنجان
ميعرفوش مش لاننا مش بنحكى لهم
لا
هما اصلا متكلفوش عناء انهم يسالونا
بالتالى بنوا مع الوقت حاجز بيننا و بينهم

و بعدين يجيبوا الغلط علينا احنا فى الاخر
وليه بنعاملهم كده
طيب ما انتوا من الاول اللى موتتوا المشاعر اللى بيننا

رغيت كتير معلش
بس انت جيت على حاجه صعبه اوى ..:)

Noony said...

العطاء النابع عن الحب هو اللي بيولد الانتماء
عطاء من غير حب بيولد عدم الانتماء
وحب من غير عطاء بيولد الجفاء
:)
أنا مش حاسة إننا ينفع نضرب المثل دة على كل حاجة..ومش عندي سبب مقنع لكدة...بس هو كدة

وبعدين انت زعلان لية؟ انت متعرفش الأغنية اللي بتقول
متقلش ايه ادتنا مصر؟ قول هناخد ايه من مصر!؟

أمرك عجيب أوي
:)
ادعيليييييييييييييييي

Camiseta Personalizada said...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso.(If you speak English can see the version in English of the Camiseta Personalizada.If he will be possible add my blog in your blogroll I thankful, bye friend).

احساس لسه حى said...

عزيزى
الانتماء هو حب المكان
وكل ما نحب حاجه اكتر كل ما انتمائنا ليها بيزيد وبيكبر
اللى بيحب بلده انتمكاءه ليها بيزيد على اد حبه والبيت كده والدين كده لان فى انسان بينتمى لشئ انتماء اسمى بس ولا بياثر فيه اى شئ يمس الشئ ده
سلام

عين ضيقة said...

وللا ايه؟
ايه

الانتماء نتيجة طبيعة لعاطفة ملموسة وليست محسوسة
وده مع الماكن والناس والوطن
يعنى بلدى بلمس حبها ليا فى اشياء يبقى هنتمى ليها بنفسى
مش بالبطاقة

سلام

klmat said...

الانتماء هو رد فعل للحب والاحتواء والعطاء تلاقى الاولاد اللى تربوا مع اب وام تفانوا فى تربيتهم
يراعوهم فى شيخوختهم
اما من تربى مع اب وام عندهم قسوه
فى شيخوختهم بيكونوا فى دار المسنين
نفس الشىء فى الدوله
اللى بتراعى اولادها وتعليمهم و...و
مش بيهاجروا ويسبوها
بوست جميل

تخاريف خاصه! said...

ممممممم
بص يا ددوك...مسأله الانتماء دى مسأله ى محيرة فعلا جدا يعنى...

بس بتهيألى هى مسأله شعوريه بحته ..ملهاش علاقه بالحاجات الماديه...
يعنى انا ممكن احب مكان معين وبحس بالانتماء ليه عشان المكان ده كان ليا فيه زكرى حلوة..بصرف النظر بقى عن كون المكان ده جميل او لا..فانا اشعر نحيته بالانتماء..وممكن اهل المكان نفسه ميحسوش ناحيته بكده..

ونفس المساله مع الاشخاص.. يعنى ممكن احس بالانتماء لاشخاص معينين..لانى حسيت انهم منى وانى منهم...

هو يمكن انا مش قادرة اوصف بالظبط..لانى الصراحه مش مركزة اوى...
:D
بس بص يعنى عشان الانجاز..الانتماء لشئ=الاحساس انك جزء لا يتجزء من الشئ ده...

مع العلم انه لا يتعلق بالمسائل الماااديه تماما...يعنى كله معنوى..
:)
وشكرا

ابو مفراح said...

يعنى انتى خلصت الانتماء فى بابا و ماما و حنفيه الميه كدة و خلاص

على العموم شكرا ع البوست

محمد العدوي said...

حلوة والمية اللي شربتها ..


الانتماء هو ان .. ان يكون الانسان منتميا .. زي الاشتراكية كدة ان يكون اشتراكي .. ومنتميا دي يعني زي ما اخدنا في الرياضيات زمان ايام ما كان عندنا رياضيات ومجموهات وكلام من دا يعني يبقى العنصر والمجموعة في بعض وصلت زي السكينة في علبة الزيتون ..


طبعا دا سمك لبن زبادي باعتبار ان الكلمة دي اصلا بتستعمل بهذا الاغتبار ..

لكن اللي اعرفه ان الانتماء دا هو الذي يزيل السلبية ويلد الايجابية وهو اللي بيخلي الواحد شايل هم نفسه واللي حواليه .. وعليه مصر هي أمي لونها هو همي ( بيضا يعني

حصان بري said...

في هذه الحياه صعب ان تجد من يحبك بصدق
فاذا وجدته من الصعب الا تبادله حبا بحب
واخلاصا باخلاص وانتماء
فأن لم يهتم بك وحنو عليك من هو من دمك فمن الطبيعي الا تشعر نحوه بالانتماء

مش عارف هل قصدك الانتماء للوطن
ساعتها بتدخل حاجات كتير منها ارض عشت عليها احلي ايام عمرك
شارع مشيت فيه وانت صغير للمدرسه
ومدرسه فيها احلي ذكرياتك
مكان فيه اهلك واصحابك

الوطن مش بس ارض
ده مجتمع
ذكريات
وحياه
تحياتي يا صاحبي وبوست جميل

ضد الظلم said...

الانتماء شعور بالحب الشديد
ورغبه فى عدم البعد عن ما تحبه وتنتمى اليه
بس بردو مصر ملهاش ذنب فى عدم انتماء شببها ليها هى مش فايديها حاجة ومش عارفه تعملهم حاجة يبقى مينتموش ليها بالطبع لااا

تحياتى

break said...

ايووووووووووة عليك نور هوا دا الكلام
عشان لما اقول انى مش بحب بابايا محدش يقولى لا دى فطرة و غريزة و حاجات كدا
و بردو محدش يقول خيانة
جبت المفيد يا ابنى والله

one true thing said...

بجد انا كان من زمان نفسي اكلم في الموضوع ده اصله كان شغلني اووي
ثانيا انا من وجه نظري الانتماء معناها انك تنتمي لشي يعني تبقى جزء منه وهو يبقى كل حاجه عندك تعيش علشانه وتحبه
مش عارفه لما بتجي سيره الانتماء دي
بفتكر دايمن كلام حسين فهمي لاحمد السقا في فيلم مافيا
كان بيقول انت بتحب مامتك
قاله اه
فساله ليه
فرد واقوله عشان هي مامتي
فقاله مش علشان هي احسن ست في الدنيا
ولا علشان هي اجمل واحده
انت بتحبها وخلاص
ويدخل مدحت صالح بالاغنيه
زي ماهي حبها بحلوه ومرها
يمكن يكون هو ده الانتماء بس الغريب لما تنخلع من جلدك وماتنتميش لاي حاجه حتى نفسك
تحياتي ع الموضوع

شيماء الجيزى said...

الانتماء ..انا بعتقد انه عامل زى الاخلاص

انت مدام منتمى للشئ ده يبقى هتبقى مخلصلة
وبالتالى الانتماء جاى من الاهتمام يعنى انا بهتم بيك يبقى بهتم بأمورك يبقى بحبك يبقى فى انتماء ليك


مش يمكن هو ده الانتماء؟

بجد شرحت بشكل حلو قوى

تحياتى

Hadota .. حدوتة said...

السلام عليكم ورحمة الله وبركاته


انا اعتقد الانتماء بيتولد من حبك للمكان او الاشخاص
ومدى قدرتهم على احتوائك واحساسك انك منهم وهما منك

لو دا محصلش معتقدش انك ممكن تنتمى لحد بيهينك او لا يحترم ادميتك او ينكر وجودك


تحياتى
:)

sa'7so'7te said...

على فكره عكس الانتماء مش الخيانه..لا...ابدا...عكسها عدم الانتماء
de 27la gomla f elmwdo3
elmawdo3 gamel we rad catroz 5allane msh la2ya kalam 2a2olo
we ta7eyyate

Anonymous said...

هذا هو مثل رائع الموارد المفيدة التي كنت توفير وتعطيه مجانا غائبة مقابل. أحب رؤية المواقع التي فهم قيمة توفير الموارد نوعية مفيدة مجانا. ذلك؟ ق القديم ما يدور حولها ويأتي البرنامج.

Anonymous said...

شكرا لهذا المنصب رائع. الاعجاب الوقت والجهد وانتم تضعون في بلوق الخاص بك ومعلومات مفصلة التي تقدمها.