عيد ميلاد حزين يا قلبي..
عيد ميلاد حزين..
لأ.......لأ.....
مهوش ذنبك ولا ذنبي..
ده اسمه اللي مكتوب عالجبين..
محدش عايش حزين بمزاجه..
ولا حد يحب يدندن...بصوت الانين
اهه..كلّه قدر ومكتوب..
لما نشوف واخدنا لفين....
اوعى تفتكر عيد ميلادك زمان..
ايام الطفوله والبرائه...
اوعى..لا يملاك الحنين..
حنين لا هيقدم ولا هيأخر
كل اللي هيعمله هيموت في قلبك جنين..
جنين الامل في بكره..
اللي هينسيك عذاب السنين..
عيد ميلاد حزين يا قلبي...
عيد ميلاد حزين............
عيد ميلاد حزين..
لأ.......لأ.....
مهوش ذنبك ولا ذنبي..
ده اسمه اللي مكتوب عالجبين..
محدش عايش حزين بمزاجه..
ولا حد يحب يدندن...بصوت الانين
اهه..كلّه قدر ومكتوب..
لما نشوف واخدنا لفين....
اوعى تفتكر عيد ميلادك زمان..
ايام الطفوله والبرائه...
اوعى..لا يملاك الحنين..
حنين لا هيقدم ولا هيأخر
كل اللي هيعمله هيموت في قلبك جنين..
جنين الامل في بكره..
اللي هينسيك عذاب السنين..
عيد ميلاد حزين يا قلبي...
عيد ميلاد حزين............
33 comments:
محدش عايش حزين بمزاجه صدقت
كل سنة وقلبك طيب
كل سنة وانت طيب
و ان شاء الله تتطور السنة الجاية
لاكتئاب
:D
ربنا يفكها عليك يا ابنى
بجد جامده اوي هي أول زياره ليا للمدونه
بس اتحكالي عليها كتير بس بجد مقدروش يدولها حقها
بجد عيد ميلاد سعيد طول مااحنا حسينا
ان بكره جاي وجايب سنين واحلام
كل سنه وحضرتك طيب
ومن ربنا قريب
وفي حياتك عايش وراضي
ودي أهم حاجه كلمه الانين دي بتوجعني اوي
بس بجد بوست تحوفه
تحياتي يافندم
وربنا يكرمكم بعيد ميلاد سعيد
عيد ميلاد سعيد يا صاحبي
دايما كل سنه جديده هي فرصه لبدايه جديده
طبعا كلنا نتمني نرجع لايام الطفوله
بس مش هنقضي عمرنا كله عيال
بوست جميل وكلام من القلب احييك عليه
سلام
ليه كدة يا عم الكابة والحزين
الحزن اد ما هو شعور رقيق بيعلم الانسان يعني ايه احساس بجد
ويمكن دة الشعور الوحيد اللي الانسان بيحس بيه انه انسان
بس مش للدرجة ان الواحد يتمني انه يعيش علي طول حزين
وزي ما سندباد قال
ان الحزن مش بادينا
احنا اللي بادينا نكسر الحزن
واحنا اللي بادينا نهزمه
بايدك تهرب من حزنك بفرحة او بذكري حلوة انت عشت فيها
بطل كابه بقي
وحاب بيزي يويو
كل سنه وانت طيب يا رعووووووووووووشه
ليه بس حزيييييييييييين
يابنى والله مش فى اى حاجة فى الدنيا تستااااااااااهل
كله بيعدى
طنش تعش تنتعش على رأى مهند
ان شاء الله السنه اللى جايه تبقى اسعد واحد فى الدنيا يا فنان
حنين لا هيقدم ولا هيأخر
كل اللي هيعمله هيموت في قلبك جنين..
جنين الامل في بكره
جميلة ..
اهنيك على مدونتك الرائعه واسمح لى ان اكون أحد قراءك.. وان يبقى الحب بيننا
لا متقلش ده عيد ميلادك فعلا
كل سنة وانت طيب .. طيب ليه تنكد على نفسك
حنين لا هيقدم ولا هيأخر
كل اللي هيعمله هيموت في قلبك جنين..
جنين الامل في بكره..
اللي هينسيك عذاب السنين
بس بجد كلمات قوية جدااااا
احييك عليها
:)
ده عيد ميلادك فعلا ولا مجرد خواطر
يارب كيمونش عيد ميلادك بجد
لا متبقاش حزين كده
الدنيا حلوه
بس نفهمها صح
مفيش حاجه تستاهل تبقى حزين عشانها
مفيش صدقنى
لالا
فوق كده و قضى عيد ميلاد جميل ربنا يكرمك
و كل سنه و انت طيب
بس عندك كام سنه دلوقتى يا ترى
:D
المهم متكونش عجزت بس:p
الكلام حسيته صادق اوى
تسلم ايدك
......:)
فعلا محدش حزين بمزاجه بس انا مختلف معاك لازم نتذكر الماضى بايامه الجميله لان هذا يولد لدينا شعور بالطاقه والحزن الخلاق
تحياتى لشعرك الرائع
السلام عليكم
بالعكس انت لو افتكرت عيد ميلادك زمان الجنين بتاع الامل هيكبر
هتفتكر ذكرى حلوة
وضحكة بريئة
تحىى الامل جواك
وتخليك تشتاق تانى للسعادة
انسى همومك
ودور على حاجات بحبها قلبك
واحتفل معاه فى كل لحظة بحاجات تسعدك انت وبس
:)
حتى العيد ميلاد ..كئيب؟؟!!!
فكها يا دوك....فكها...
مافيش حاجه تستااااهل...
:)
بس برضه حلوة...بس برضه كئيبه!!!
دعواتك يا دوك...
كل سنة وقلبك من غير حزن
تحياتي
kol sana we enta motafa2el ya erte3ashat basha
mesh ma32ol yeb2a 3ed meladak we teb2a 7azen awy keda
leh? dah el 7ayah absat beketer
sa7e7 heya re7’ma we maliana 7ozn laken betedena forsa bardo enena nefra7
esta3’elaha 3alashan te2dar tekamel
meshwarak lessa tewel we mayenfa3sh te7’alas kol el amal elle 3andak fe awel 7’atweten
ed7aaaaaaaaaaaaaaaaaaaaaaak
bas men 3’er ma yekon fe 3enek lam7et 7ozn
بلاش الحزن دا , كل سنة وحضرتك طيب وماينفعش تدخل سنة جديدة فى عمرك بالحزن دا , بجد والله الدنيا حلوة اوى بس احنا اللى بنلونها , وحضرتك بادى بالون غامق اوى , ومالها الفواتح يعنى , يلا ابتسم واحتفل بكل ثانية اتعلمت منها حاجة
سندباد:
و انت بصحه وسلامه يا حبيبي :)
بريك:
و انت طيبه :D:D:D:D
ايدك معانا يمكن ادخل مستشفى امراض نفسيه :D:D:D
ربنا يفكها علينا كلنا
وان ترو ثينج:
بجد نورتي البلوج و بجد ميرسي اوي على المجامله الرقيقه اوي دي...
يا رب على طول تنوريني
و انتي طيبه يا فندم :)
حصان:
و انت طيب يا حبيبي و بجد نورتني
يا رب تبقى سعيده علينا كلنا...
سمراء النيل:
ايوه الحزن جميل و كل حاجه بس مش علىطول
و صدقيني مش ديما ب ايدنا نكسره....يمكن لو افتكرنا ذكره حلوه تفكرنا ب همنا ده و ساعتها الموضوع يزيد
عجباني اخر جمله اوي بس مش فاهمها :)
رينا:
حمدلله على السلامه يا عروسه :)
ربنا يسهل يا بنتي ان شاء الله كله يعدي...المهم انتي تبقي مبسوه :)
هتوحشينا :)
العدوي:
انت اجمل
العدوي:
انت اجمل
ابقى الحب:
ده انا يشرفني :)
بجد نورت المدونه
عبير:
ديه كتبتاها ايام عيد ميلادي :)من فتره كده..
و انتي طيبه يا بيرووو و بجد ديما منوراني
كاتروز:
وانتي طيبه يا بنتي :)
انا عندي..22 :)
عجزت صح؟:)
ربنا يسهل ان شاء الله بس انتو ادعولي :)
نورتيني
ضد الظلم:
نورتني بجد:)
مش عارف يمكنت اختلاف الحال ما بين دلوقتي و زمان هيخلي الواحد يحس بالفرق و يتوجع زياده....
نورتني بجد :)
حدوته:
مش عارف يمكنت اختلاف الحال ما بين دلوقتي و زمان هيخلي الواحد يحس بالفرق و يتوجع زياده....
بس بجد بحاول اعمل اللي بتفولي عليه....
ربنا يسهل ان شاء الله :)
تخاريف:
امال عايزاه ايه...سعيد؟!!:D:D:D:D:D
نورتيني بجد و ربنا معاكي في الامتحانات...
روح:
و انتي بالف صحه وسلامه
همبكاوي:
و انت يب يابني..
:D:D:D:D:D:D:D:D:D:D:D:D:D
كده كويس :D:D
ولا يهمك :)
زي الهوا:
قليلي الالوان بتتباع فين و انا اروح اجيب كل الفواتح :)
و نتي طيبه و بجد نورتيني...
كل سنه وانت طيب
ومعلش اذا كانت متاخره بس ظروف بقى:)
كتير اوي لما عيد ميلادنا بيقرب بنفضل نفكر اكتر من الاول في اللي حصل قبل كده واللي عملناه فحياتنا
وكل متعدي علينا سنه وتمر سنين بسنين بيزيد تفكيرنا وهمومنا اكتر من واحنا في سننا ده دلوقتي
يعني زي محنا بنقول كنا صغيرين فنعمه ومش ورانا هموم لما نكبر كمان شويه وندخل مرحله اكبر من دلوقتي هنفكر فايامنا دي وبردو هنقول الايام دي اهون من اللي هنبقى فيها
Post a Comment