Sunday, July 15, 2007

هو لسه ممكن ؟ 2




هو لسه ممكن يكون في امل يا جماعه؟.... لسه في امل في اي حاجه؟...مش عايزاجابه متسرعه ايوه فيييييييييي من حد متحمس وكلام زي لو بطلنا نحلم نموت....الحلم غير الامل يا ناس....ولا عايز اجابه متسرعه من حد يائس لا مفيش امل...و هنعمل ايه و ما ب اليد حيله .... لسه ممكن يكون في امل بعد كل اللي احنا شايفينه ده.... لسه في امل في انك تقعدتذاكر تذاكر تذاكر و تتعب نفسك وانت بتحلم بحاجه مع انك في الاخر عارف انكمش هتاخد الا البواقي.... لسه ممكن تشتغل وتصلح وتحلم بعيشه احسن وانت عارف ان في مليون واحد بيهد اللي بتعمله من غير قصد عشان جاهل او بقصد عشان هوعايزك تفضل في اللي انت فيه... لسه ممكن يكون في امل انك تشوف ناس غير الناس...تعامل تاني و ظروف تانيه مع انك كل يوم بتشوفهم بما فيهم انت من سيء لاسوء...
ولا نقعد نبص على قصص النجاح و نقول اه ممكن اهو و ده الدليل و شوف فلان وشوف علان ما انت برضه هتلاقي اللي يقولك ده واحد في 70مليون هتقول لا اهو ادي مليون مثال هيقولك ماهو في 70 تانين منجحوش..هتقوله ايه؟
يا جماعه انا عارف ان الامل في ربنا كبير و مبينقطعش و ربنا قادر على كل شيء بس ربنا مش هيغير حاجه الا لما احنا نتغير... و عشان احنا نتغير طبعا الجمله المشهوره لو كل واحد بدأ بنفسه....بس يا جماعه لو دي تفتح عمل الشيطان...لو ديه معناها اننا كلنا لازم نشتغل...كلنا نفسنا في حاجات احسن بس مش كلنا هنشتغل.... لو انا اشتغلت و مغيرتش حاجه وفضلت كل حاجه زي ما هي يبقى انا ذنبي ايه.... ذنبي ايه ما انا ابتديت و مخدتش حاجه..تعبت و غيري كان مرتاح... انا اشيل وزره ليه............
ديه يا جماعه دعوه للتفكيرمش للتكفير...انا مش يائس انا بس بفكر....
ولا انتم ايه رأيكم

26 comments:

كراكيب عادل said...

رحلة الاف ميل بتبتدي بخطوة

تخاريف said...

تصدق يا ارتعاشات...الله يسامحك....
!!!
بجد
بقالى فترة عماله بتيجى فى دماغى نفس الافكار دى...وعايزة اطردها بس مش قادرة...


ممممم

احلام كتير بحلم بيها...بس للاسف انا عارفه ان فيها حاجات مش هتتحقق....
!!!
حاجات كتير بعملها...مع انى عارفه ان جدوها ضعيف...مش زى مانا متخيله...
مممم

بتعب نفسي..كتيييييييير..وانا عارفه زى مانت قلت..انى مش هاخد غير البواقى...

بس فى الاخر برجع اقول..اهم حاجه الرضا...
عشان النعمه اللى الواحد فيها برضه ماتزولش
....

الخيط الرفيع said...

انا مش عاوزة أعلق انا عاوزة اتكلم
واقول انا كمان تعبان وبفكر في دا
ولو رحت لفكرة مفيش امل هتبقي عيشة كرب وانا بالذات ما ينفعش اقفلها معايا لحس لو قفشت همرض واكش واموت او اتجنن

بس بردو اتهدلي ما بنيت بكل امكانياتي وفعلا جزء مهم من تكويني حصله شئ
لازم اعترف مع اني ما بحبش اكون ضحية تجاربي
بس التيار شديد علينا واحنا في سننا دا
البلد والناس
هنروح فين من الكرباج
هل نخاف؟؟؟؟؟؟؟؟؟؟؟؟
ونعمل حسابة
ولا نفتح صدرنا ونبكي بعد فوات الاوان

ولا خوفنا وهمي ولن يصيبنا الا ما كتب الله لنا
ولا دي نقره ودي نقرة
والدنيا بزنس وناس قوق وناس تحت

Abeer said...

مفيش حد صح وبيعمل اللي عليه ومش بتيجي في دماغه الافكار ديه
ده شئ طبيعي .. بس منديهاش اكتر من حقها علشان الموضوع مياخدش اتجاه تاني
احنا مش بنعمل اللي علينا وبتعب بس علشاننا .. لا علشان ربنا .. لما نقابله ويسالنا عن وقتنا وصحتنا وووووو


خللي هدفك في الحياة
be the change u wanna to be

e7na said...

انا بدأت اتعب من المقارنه
تعرف انا اول مره اروح مول سيتى ستارز كنت حاسس بقرف فظيع
الناس دى مصريين
دول اللى طلعت حرب اسس الاقتصاد المصرى علشانهم
ولا دول اللى مصطفى كامل مات فى شبابه من غير ما يتجوز علشان يحرر لهم مصر
دول اللى الاخوان وايمن نور وطلعت السادات وعماد الكبير وغيرهم شافوا ظلام السجون والاهانه علشانهم
بس بارجع اقول
فيه والدى ووالدتى ووالدتك واخويا واخوك وعم عبده الطيب وعم ابراهيم ومايكل اللى معاك فى الكليه
تفتكر التفكير ده مش متعب برضه
؟؟؟؟؟؟؟؟؟

wael said...

فاكر حوار المتنزه عن الاشتراكيه ؟
صعب انك تطبق المفهوم العام للاشتراكيه في بلد ملهاش رادع ديني بجد بس بشكل عام يا باشا لازم تعمل اللي عليك عشان يوم لما ربنا يسألك عن الاصلاح في الارض تقدر ترد بأنك عملت اللي عليك
وغالبا لسه ممكن

Noony said...

وبعديييييييييييييييييييييين؟
يعني أرجع ألاقيك كاتب قنبلة زي كدة؟..الرحمة
ما علينا
بطل تحلم لو تقدر
مرة كدة لما تحلم انت عايز تعمل اية في حياتك تقول لألألأ أنا مش عايز أحلم لأني عارف ان الكلام دة مش هيحصل و لا هيتحقق واسبوع البواقي والفضل والظلم والقهر...وأنا أبطل أحلم أرحم والكلام دة
لو تقدر تبقى تقولي
أنا شايفة ان الحلم دة القوة الدافعة للحياة..حتى لو الحلم ماتحققش..كون انك تحلم ويبقى عندك القدرة على تخيل تفاصيل الحلم دي قمة الآدمية
ومين عارف الخير فين؟
يعني أنا واحدة مش بحلم وأنا نايمة خالص..معتمدة في حياتي على أحلام اليقظة وأحلام أقدر أحققها...بغض النظر عن المعوقات..هو الحلم بقى بفلوس اليومين دول؟

:)
نوني

تخاريف said...

الله يسامحك بجد....
خلتنى ارجع نيك نيمى القديم...

احلام عايزة تنام
............

emos said...

shoof ya 7ag 2ert3ashat
kol el kalam elly entsa 2olto dah sa7 bs at least yakfena sharaf el mo7awla.
hadeek mesal ana kont hamoot w 2at3alem el sewa2a
awel lamma 2et3alemt or awel marra rekebt car aslan tab3an ma3reftesh 2atla3 beha w natet w kol 7aga
w 7aseet en el sewa2a deh mosta7eel
le7ad maba2eet 2a3raf asoo2 7'alas
bs hal 3andy 3arabeyya
tab ana ma3andeesh 3arabeyya masalan mesh ana mabsouta 3ashan 2et3alemt el sewa2a
yeb2a ana mawseltesh yes bs 2et3alemt w yakfeny sharaf el mo7awla bs el mohem balash ya2s
7aga waga3 alb
narfeztnenyyyyyyyyyyyyyyyyyyyy

الكلام نوعان :كلام فارغ وكلام مليان كلام فارغ said...

شوف بقى هوه الامل موجود في كل واحد فينا بس الوضع اللى قدامنا غير مشجع على اى حاجه
يعنى الواحد بيعمل اللى عليه وبيسيبها لربنا بعدكده
يلا ربنا يستر علينا كلنا

رينـــــــــــا said...

بص يا رتعاشه
انا مقتنعه تماما انك لو بتدى عمر ما ربنا هيخذلك
لازم هيديك على اد تعبك

استمسك بالله وان شاء الله ربنا عمره ما هيتخلى عنك

bani-adam said...

ارتعاشات باشا
ازيك
بقيت بتغيب علينا كتير بموضوعاتك الجامده
عموما انا شايف انه الواحد يعمل اللي عليه و يجتهد و خلاص,و مش مهم يستني مقابل لمجهوده,لأنه حتي لو ملقاش مقابل اكيد ربنا حيديله اجره في حاجه تانيه.
و كل سنه و انت طيب يا باشا.

Ert3ashat said...

عادل:
اكيد...
لو واقفه عليه همشي كل الخطوات بس لو واقفه على ميليون لازم يمشوا سوا؟؟
اكيد الوضع هيختلف

Ert3ashat said...

تخاريف:
طبعا اهم حاجه الرضا و الا كان زمانّا مش عايشين
اسف عشان اثرت جواكي الشجون
بس هي دي الحقيقه او الوضع مينفعش نغمي عنينا..

Ert3ashat said...

خيط الرفيع:
انا مش مع اننا نفتح صدرنا و نبكي بعد فوات الاوان اكيد...
كله ب ايد ربنا
الله معانا

Ert3ashat said...

عبير:
انا معاكي اوي في الجزء ده
علشان ربنا
كمان لو انا ب ايدي اغير مستقبلي ب اني اجتهد ف انا هعمل كل اللي اقدر عليه
بس لو مستقبلي في ايد ميليون واحد؟؟

Ert3ashat said...

احنا:
اكيد متعب انا معاك
و حتى اللي بيروحوا سيتي ستارز كويسين....مش بتتقاس كده...
ربنا معانا

Ert3ashat said...

وائل:
انا فاكرك من ايام توبيك الكارتون...نورتني :)..
بص احنا قدام حل من اتنين يا اما اكون انا فعلا صاحبك بس مقلتلكش ان البلوج ده بتاعي فبالتالي ده يبقى استفزاز ملوش مبرر...
يا اما مكونش صاحبك و ساعتها هتمنى ان صاحبك ينورني البلوج و يشاركنا المناقشه
بالنسبه للاشتراكيه فبرضه فدامي اختيارين يا اما ده يكون تكمله لحوار قديم فبالتالي لازم ابقى عارفه كله عشان نتناقش..او يكون تقصد بيه حاجه في التوبيك ده انا مش شايفها...
بس بشكل عام الاشتراكيه ليها مساويء حتى في وجود الدين...
اخر سطرين انا متفق معاك اوي عشان ده زي ما عبير قالت الواحد بيبريء ذمّته....
نورتني بجد و ان شاء الله متكونش اخر زياره..

Ert3ashat said...

نووونيي::
منوراني كالعاده
انا متفق معاكي في اللي قلتيه الحلم حلو..و حلو انه يكون في امل انه يتحقق انما لو حسيتي ان مفيش امل و فضلتي تحلمي نفس الحلم..ساعتها يبقى ايه الوضع؟؟

Ert3ashat said...

تخاريف:
:(
انبتيلي ضميري والله...:"(

Ert3ashat said...

ايموس:
ان شاء الله تشتغلي كويس و تدي دروس كمان-انتا فاكر انك مدرسه- و تجيبي لعربيه الجميله اللي نفسك فيها

Ert3ashat said...

لكلام نوعان :كلام فارغ وكلام مليان كلام فارغ:
امين يا رب

Ert3ashat said...

رينا:
اكيد بجد انا معاكي بس عشان ربنا يدينا كلنا لازم كلنا نشتغل ولا ايه؟؟

Ert3ashat said...

بني ادم:
منورني دايما
انا معاك والله و ربنا يدينا كلنا

ro7 said...

من رضي بقدري اعطيته علي قدري ,
وقل اعملوا فسيري الله عملكم !!
ان شاء الله في امل ماتقفلهاش عشان ماتتعبش
وانا عند ظن عبدي بي ,
ماتنساش دي , تحياتي

Ert3ashat said...

ro7:
isa be ezn ellah
nawrteny begad