Sunday, July 8, 2007


كل اللي له بدايه له نهايه


بس انت بص في مرايه


هتلاقي كل شيء مكتوب


هتلاقي كل شيء واضح




متغميش عنيك تاني


ده اللي رماك بالنار


قبلك رماني


ارجوك فكر شويه


هو العمر كام ثانيه


كلها احلام بتروح


كلها احلام فانيه




تمشي في طريقك مبسوط


تلاقي


وحوش خارجه مالبيوت


بتعوي


زي ديابه سعرانه


بتنهش فيك يا كتكوت




لا هتعرف تزؤ ولا تقول


ياريتك يس تجري على طول


تهرب


قبل الوقت ما يعدي


وتصبح


بالهموم مشلول




يا اخوانا شفت العذاب الوان


بس المره دي مالموت قلقان


شايف قدامي من الهموم فدان


ارجوكم


غطوني..غموني..دفوني


لاموت بردان




كل مره احس حاجه بتنكسر


اصرخ بلاش..


قلبي هينفطر


لو كل حاجه ضاعت..انا الغلطان


انا اللي سبت وهمي


لحد ما كبر




كل اللي له بدايه له نهايه


بس انت بص في مرايه


هتلاقي كل شيء مكتوب


هتلاقي كل شيء واضح

26 comments:

maioya said...

كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح


فعلا كل شيء واضح
بس ساعات بنتعمي ادام حاجات ممكن تكون صح وفي الاخر بنطلع احنا الخسرانين
ونطلع دايما بجرح عمره مابيتداوي
وفي الاخر بنندم ونقول ياريت اللي جري ماكان بس دايما بنتعلم
وبعد كده المفروض نشوف كل حاجه زي ماهيا مش زي مااحنا شايفنها
واللي عاوز يتجرح تاني هوا اللي بيكرر غلطته تاني
وفعلا احنا بنتعلم من كل حاجه كويسه او حتي اليمه بتحصل
نايس باك ياارتعاشات
وان شاء الله مش تغيب تاني :)

Amyra said...

مش عارفة اذا المراية حتعرف تقول حاجة
لكن لكل بداية نهاية

شيماء الجيزى said...

زى مانت بتقول تمام ..كل شئ بيكون واضح وظاهر قدام عيونك انت حتى لو بصيت فى المرايه هتشوفها ...بس

مش بتبص ...او يمكن بتستعبط على نفسك
ويمكن

مش عارفه انا بقول ايه
اهو كلام صح


تحياتى

Unknown said...

صح والله كل اللى بداية له نهاية
دى أول مرة أدخل فيها المدونة بس مدونة جميلة جدا

خيرالدين said...

جمييييييييييله جدا
مش عارف اقول غير كده

Eric Matt said...


حلو قوي يا ولدي

كمل لا تيأس

:)

تحياتي لك من ماناساس البلد ومتنساش عنوان المرة الجاية

رينـــــــــــا said...

كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح

no comment
تعبيرات رائعه

break said...

بجد جميييييييييييييييييييييلة جدا جدا جدا جدا

تسلم ايدك
تحياتى

تخاريف خاصه! said...

فعلا ياريت المرايات تتكلم..او احنا نديها فرصه تتكلم..

انا اللي سبت وهمي


لحد ما كبر

الجمله دى جامده جدااا...


تحياتى

روح said...

كلماتك جميلة جدا واجمل مافيها بساطتها ويارب ما نبتدي في حاجة تكون نهايتها وحشة

Reemo said...

مين قال يا رعوشه ان كل شئ مكتوب
ومين قال ان كل حاجه واضحه
لو كده مكناش غلطنا
هو كل شئ قدر ومكتوب
بس مش لازم يكون واضح
ولا حتى بناخد بالنا منه غير بعد ما بيحصل
لكن اللى انا متفقه فيه معاك
هو ان فعلا لكل بدايه نهايه
مهما طالت ومهما غابت اكيد النهايه اتيه لا محاله
كالعاده كتابتك حلوه يا رعوشه
انا رجعت من تانى :))
تحياتى

bani-adam said...

اسف بجد علي التأخير,بس ظروف و الله,كان نفسي ابعت كومنت من بدري.
انت رائع و القصيده روعه,و بجد متغبش علينا تاني كده.

كل اللي له بدايه له نهايه

بس انت بص في مرايه

هتلاقي كل شيء مكتوب

هتلاقي كل شيء واضح

جزء رائع بجد,بس يا رب يملا ايامك بالفرحه و متبقاش حزين كده زي ما في القصيده.

Ert3ashat said...

مي:
انا بجد موافق عللى تعليقك اوي
قدرتي تكملي فيه اللي مقدرتش انا اقواه
ان شاء الله يا مي و بجد وحشتني تعليقاتك :)
نورتيني

Ert3ashat said...

ندى:
بتقول والله بس احنا مبنفهمش

Ert3ashat said...

شيماء:
انا لسه \قايل كده لندى
كلامك صح
و منوراني

Ert3ashat said...

ايجي بوي:
نورتنيوالله و ان شاء الله مش اخر مره

Ert3ashat said...

احنا:
انتم اجمل والله
نورتونيي

Ert3ashat said...

جروووووووم:
منستش يا حبيبي والله بسساعتها كان في مشكله معرفتش اكتب العنوان

واحشني والله

Ert3ashat said...

رينا:
انتي اروع

Ert3ashat said...

بريك:
انا بفرح ةبكومنتاتك اويييييي على فكره :)
انتي اروع

Ert3ashat said...

تخاريف:
ازيك يا بنتي و ازاي النسا :)
يا رب كله يبقى تمام
اشكرك بجد و نورتيني :)

Ert3ashat said...

روح:
ياااااااا رب امييييييييييييييين

Ert3ashat said...

ريمووووووووو:
فرحتينييييييييييييييي والله
حمد لله على السلامههههههه
يمكن لو ركزنا هناخد بالنا
يمكن لو بصينا في مرايه تانيه غير مراية الحب عشان زي ما بيقولوا عاميه

Ert3ashat said...

نور:
بجد ديه شهاده اعتز بيها والله :)..
يا رب يا نوور
يا رب كلنا

*,*AMY LEE*.* said...

هي كل مواضيعك كده
انا مفهمتش دلوقت انت بتتكلم عن التفاؤل وانت متشائم ولا العكس
؟

بس على فكره جميله جدا جدا جدا
وكمان فكره انك تبص ف المرايه دي ...
وانك تلاقي الحل لما تبص لنفسك كويس
وتكتشف الحاجات الي جواك...

رائع

Ert3ashat said...

amy lee:
tafa2ol w tsha2om w kol 7aga
nawrteny begad :)