كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح
متغميش عنيك تاني
ده اللي رماك بالنار
قبلك رماني
ارجوك فكر شويه
هو العمر كام ثانيه
كلها احلام بتروح
كلها احلام فانيه
تمشي في طريقك مبسوط
تلاقي
وحوش خارجه مالبيوت
بتعوي
زي ديابه سعرانه
بتنهش فيك يا كتكوت
لا هتعرف تزؤ ولا تقول
ياريتك يس تجري على طول
تهرب
قبل الوقت ما يعدي
وتصبح
بالهموم مشلول
يا اخوانا شفت العذاب الوان
بس المره دي مالموت قلقان
شايف قدامي من الهموم فدان
ارجوكم
غطوني..غموني..دفوني
لاموت بردان
كل مره احس حاجه بتنكسر
اصرخ بلاش..
قلبي هينفطر
لو كل حاجه ضاعت..انا الغلطان
انا اللي سبت وهمي
لحد ما كبر
كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح
26 comments:
كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح
فعلا كل شيء واضح
بس ساعات بنتعمي ادام حاجات ممكن تكون صح وفي الاخر بنطلع احنا الخسرانين
ونطلع دايما بجرح عمره مابيتداوي
وفي الاخر بنندم ونقول ياريت اللي جري ماكان بس دايما بنتعلم
وبعد كده المفروض نشوف كل حاجه زي ماهيا مش زي مااحنا شايفنها
واللي عاوز يتجرح تاني هوا اللي بيكرر غلطته تاني
وفعلا احنا بنتعلم من كل حاجه كويسه او حتي اليمه بتحصل
نايس باك ياارتعاشات
وان شاء الله مش تغيب تاني :)
مش عارفة اذا المراية حتعرف تقول حاجة
لكن لكل بداية نهاية
زى مانت بتقول تمام ..كل شئ بيكون واضح وظاهر قدام عيونك انت حتى لو بصيت فى المرايه هتشوفها ...بس
مش بتبص ...او يمكن بتستعبط على نفسك
ويمكن
مش عارفه انا بقول ايه
اهو كلام صح
تحياتى
صح والله كل اللى بداية له نهاية
دى أول مرة أدخل فيها المدونة بس مدونة جميلة جدا
جمييييييييييله جدا
مش عارف اقول غير كده
حلو قوي يا ولدي
كمل لا تيأس
:)
تحياتي لك من ماناساس البلد ومتنساش عنوان المرة الجاية
كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح
no comment
تعبيرات رائعه
بجد جميييييييييييييييييييييلة جدا جدا جدا جدا
تسلم ايدك
تحياتى
فعلا ياريت المرايات تتكلم..او احنا نديها فرصه تتكلم..
انا اللي سبت وهمي
لحد ما كبر
الجمله دى جامده جدااا...
تحياتى
كلماتك جميلة جدا واجمل مافيها بساطتها ويارب ما نبتدي في حاجة تكون نهايتها وحشة
مين قال يا رعوشه ان كل شئ مكتوب
ومين قال ان كل حاجه واضحه
لو كده مكناش غلطنا
هو كل شئ قدر ومكتوب
بس مش لازم يكون واضح
ولا حتى بناخد بالنا منه غير بعد ما بيحصل
لكن اللى انا متفقه فيه معاك
هو ان فعلا لكل بدايه نهايه
مهما طالت ومهما غابت اكيد النهايه اتيه لا محاله
كالعاده كتابتك حلوه يا رعوشه
انا رجعت من تانى :))
تحياتى
اسف بجد علي التأخير,بس ظروف و الله,كان نفسي ابعت كومنت من بدري.
انت رائع و القصيده روعه,و بجد متغبش علينا تاني كده.
كل اللي له بدايه له نهايه
بس انت بص في مرايه
هتلاقي كل شيء مكتوب
هتلاقي كل شيء واضح
جزء رائع بجد,بس يا رب يملا ايامك بالفرحه و متبقاش حزين كده زي ما في القصيده.
مي:
انا بجد موافق عللى تعليقك اوي
قدرتي تكملي فيه اللي مقدرتش انا اقواه
ان شاء الله يا مي و بجد وحشتني تعليقاتك :)
نورتيني
ندى:
بتقول والله بس احنا مبنفهمش
شيماء:
انا لسه \قايل كده لندى
كلامك صح
و منوراني
ايجي بوي:
نورتنيوالله و ان شاء الله مش اخر مره
احنا:
انتم اجمل والله
نورتونيي
جروووووووم:
منستش يا حبيبي والله بسساعتها كان في مشكله معرفتش اكتب العنوان
واحشني والله
رينا:
انتي اروع
بريك:
انا بفرح ةبكومنتاتك اويييييي على فكره :)
انتي اروع
تخاريف:
ازيك يا بنتي و ازاي النسا :)
يا رب كله يبقى تمام
اشكرك بجد و نورتيني :)
روح:
ياااااااا رب امييييييييييييييين
ريمووووووووو:
فرحتينييييييييييييييي والله
حمد لله على السلامههههههه
يمكن لو ركزنا هناخد بالنا
يمكن لو بصينا في مرايه تانيه غير مراية الحب عشان زي ما بيقولوا عاميه
نور:
بجد ديه شهاده اعتز بيها والله :)..
يا رب يا نوور
يا رب كلنا
هي كل مواضيعك كده
انا مفهمتش دلوقت انت بتتكلم عن التفاؤل وانت متشائم ولا العكس
؟
بس على فكره جميله جدا جدا جدا
وكمان فكره انك تبص ف المرايه دي ...
وانك تلاقي الحل لما تبص لنفسك كويس
وتكتشف الحاجات الي جواك...
رائع
amy lee:
tafa2ol w tsha2om w kol 7aga
nawrteny begad :)
Post a Comment