Wednesday, July 18, 2007

ملوش اكشاك

!انطق
اتكلم!
في
ايه؟!
مالك؟!
لا عارف تعبر
ولا عارف تقول
ايه هي امالك!
ساكت
و
كابت
جواك احلامك!
عشانّك جبان؟
عشانّك مستني
يجيك الامان؟
ولا عشان
خيبتك قدامك!!!

بشوفك محبط
بشوفك خايب
بشوفك تايه
بشوفك عايب
طب اشوفك مرّه
من كل ده تا
يب!!!!!

بس عشان
للحلم ضرايب
ضريبه سهر
ضريبة تعب
ضري
بة دعوه
من كل الحبايب
بس خد بالك
الحلم
مف
هوش
معلش اتحقق
اصل احنا قرايب!!!

قوم اتحرك
وبلاش يوم
الاقيك تتبرّك
ب اللي لا نفعك
ولا يوم ضرّك

حلمك اهو
شايفه معاك
عايزك تصرخ
انا كلي فداك
لازم تسعى
مش هو هواك؟!
ولا القاك
قاعد مستني
بتبكي و متمني
يجي لعندك
شايله ملاك
او حتى يجيك
من شباك!!

بقولك يابني
متبقاش شكّاك
لو متعبتش
حلمك دوة
ملوش اكشاك
ملوش اكشاك


25 comments:

شيماء الجيزى said...

فهمت دلوقت

يعنى ايه ملوش اكشاك

بس نفسى اعرف
مين الى ماسكه وبتهزئقه ده؟

دايما بحب شعرك العامى ..الى له هدف

وهدفك جميل جدا

تحياتى يا ابو الرعشات

خيرالدين said...

القصيده فكرتها جميله
بس مش عارف حسيت انها من وحى اعلانات الاقرار الضريبى


بس عشان للحلم ضريبه


وبعدين طلعوا كام ضريبه مش واحده

Noony said...

عند فيك يا دكتور مرتعش...القصيدة عجبتني أوييييييييييييييي

مليانة بالعزيمة والأمل والإصرار
وتهزيء..أنا بحب الناس اللي بتعرف تهزأ

"قوم يا أخي اتحرك واشتغل وحقق حلمك..مش هيتحقق لوحده ويجيلك على طبق من فضة...اجتهد واتعب وفي الآخر هتستريح وتفرح ونفرح حبايبك"

فكرتني بواحدة أعرفها..علقت أحلامها على شماعة وقعدت تتفرج عليهم وهم بيموتوا قصادها حلم ورا التاني

ههههههههههههههههه
لازم نتعب...وإن شاء الله من غير تهزيء...ولازم نحقق الأحلام
لازم كلنا نحقق أحلامنا

رحماك يا رب
:)
نوني

تخاريف خاصه! said...

هى طبعا الفكرة جامده...
واجمد ما فيها التهزيق..يعنى ماشاء الله...
هبقى اديها لماما عشان تقولهالى كل يوم الصبح...يمكن اتعظ ولا يأثر فيا حاجه...
:)
بس بجد مضمونها جامد...

the only thing better than love is freedom said...

el post 7elw awy we ma3nah elle fe batn el sha3er a7la we a7la bas ana lel asaf maba7ebesh el amal wala el tafa2ol el 7agat de ba2et 2adema awy 3ala baladna

رينـــــــــــا said...

عروستى :D

روح said...

بوست جميل جدا
وانا من هذا المكان بنصح كل اللي يدخل مدونتي ويحبط يدخل بعدها مدونة الاخ ارتعاشات هههههه
كلام بجد تحفففة وجمالة في بساطتة تحياتي

*,*AMY LEE*.* said...

حلمك اهو
شايفه معاك
عايزك تصرخ
انا كلي فداك


كلامك فيه تفاؤل كبير اوي على فكره
الموضوع في حد ذاته حلو جدا
بس مين بقى الي يسمع وينفذ
انا عن نفسي اما بقرأ موزاضيع زي دي
بتجيلي حاله احباط
مع ان المفروض العكس الي يحصل

break said...

ايه الامل والتفاؤل والهمة والعزم دا
الهمة حديد والعزم شديد

لا حلوا وى بجد
وصعب عليا اللى بيتهز أ:D

تحياتى

Abeer said...

بس خد بالك
الحلم
مفهوش
معلش اتحقق
اصل احنا قرايب!!!


بجد حلوة اوي
ربنا معاك وتحقق حلمك
u must fight to taste success

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

Unknown said...

بشوفك محبط
بشوفك خايب
بشوفك تايه
بشوفك عايب
طب اشوفك مرّه
من كل ده تايب!!!!!

بجد كلمات رائعة وفكر جميل يعنى بالبلدى كدا مالهاش حل

Ert3ashat said...

شيماء:
بهزء الجزء الكئيب اللي في :)
تحياتي ليكي و بجد نورتيني

Ert3ashat said...

احنا :):
هاهاهاههاهااا
دمك خفيف :)

Ert3ashat said...

نوني:
هاهههها انا كده هخليكي تعندي علىطول
مفيش حد كده بلاش الكلام ده
:)

Ert3ashat said...

تخاريف:
هاهاهاههاهاهاههاااا

اسجلهالك بصوتي :)

ربنا معاكييا بنتيفي الامتحانات

Ert3ashat said...

همبكاوي:
نورتيني بجد
يمكن كلامك صحوالله

Ert3ashat said...

رينا:
اخضر و باستك من فوق :)

Ert3ashat said...

روح:
هاهاهاهاهههه
احباطه هيزيد صدقيني :)
بجد نورتيني

Ert3ashat said...

امي لي:
لا يا بنتي المفروض العكس
ربنا معانا كلنا :)

Ert3ashat said...

بريك:
ده اعلان اسمنت المصريه :)
نورتيني بجد :)

Ert3ashat said...

عبير:
ايوه والله كلامك صح
و اشكرك على اعجابك والله :)

Ert3ashat said...

صاحب البوابه:
حاضر والله و اسف على التأخير

Ert3ashat said...

ايجي بوي:
ربنا يكرمك يا رب و بجد نورتيني

bani-adam said...

معلش يا ارتعاشه
كل مره بتأخر كده في الرد
بس ظروف بقي
كالعاده القصيده روعه
بحب اسلوبك لما بتهزا حد علي حاجه
كل سنه و انت طيب