ارتعـــــــــــــــاشـــــــــــــــــات حياتـــــيــــه: انا عن نفسي همشي..

Saturday, September 22, 2007

انا عن نفسي همشي..

متيجي نمشي...
يلا....
يلا...
عموما....
انا عن نفسي همشي...
همشي و اسبني و اسيبيك و اسيبهم كمان...
همشي لدنيا بعيده وحشني الامان....

انا عن نفسي همشي...
عايزه تيجي تعالي...
مش عايزه خلاص خليكي في مكانك..
خدت ايه انا غير وجع قلبي و تعبي عشانك..
قلبي خلاص ياما بات تعبان..
و دماغي خلاص مبقتش حمل الكلام..

انا عن نفسي همشي..
بس انتي خليكي..خليكي هنا..
سيبيني مره ادوق طعم الهنا..
مبقتش عايزك ولا عايزني انا..
هسيبني هنا...
هسيب الضعيف المحب الخزلان..
و هبعد بعيد..مين عارف؟؟
مش يمكن يبقالي قلب الشجعان..

انا عن نفسي همشي..
هروح بعيد و ادفن في الرمله دماغي..
لا بقى في حيل اسمع..ولا حيل ادلع و الاغي..

انا عن نفسي همشي..
بس انتي صعبتي على قلبي اللي عمره في يوم ما صعب عليكي..
خلاص هخدك لو توافقي..
تمشي مسمعش صوت..
اكني ماشي مع تابوت..
مدفون في صحرا بعيده و فاضيه
شبه المكان اللي معاكي انا رايحه...
بتقولي ايه؟
.................................
خلاص هروح لوحدي مدام هموت...

19 comments:

تخاريف خاصه! said...: هتمشي تروح فين يا دوك؟؟؟....
برغم انك ماحددتش الوجهه..الا ان الكلام حلو بيعبر عن واحد مخنوق مجروح وفى نفس الوقت صعبان عليه ومش عايز يخسر بسهوله...
:)

لا بقى في حيل اسمع..ولا حيل ادلع و الاغي..

بجد بجد بجد والله انا قعدت اضحك جدا اول لما قريت الجمله دى
:D...
ليه يعنى؟؟؟..من حق كل واحده تلاقى واحد يسمعها ويدلعها ويلاغيها ..بس فى الحلااااااااال طبعا...
:D; September 22, 2007 at 11:47 PM
الأستاذ said...: ما هو بيقولك رايح يموت أهو.. يلا أنا ممكن أجي معاك .. شكراً على اهتمامك بالاجابات بس أرجو تكون نموذجية وأنا مرضيتش أبعت لحد علشان أنا لسة معرفش حد أوي وكمان أول مرة يتبعتلي تاج ومكنتش أعرف إن في حاجة إسمها كدة أصلاً بتحصل مع المدونين.. شكراً مرة أخرى وكل سنة وانت طيب; September 22, 2007 at 11:52 PM
Eric Matt said...: وكلامك حلو تاني مرة برضو على رأي دوك تخاريف

لكن انا حاسس انك بقالك فترة انقطاع وقلة اتصال وفراق وتمشي وبتاع؟

هو في ايه؟

تحياتي لك من ماناساس البلد; September 23, 2007 at 7:53 AM
el_assel said...: ياعم ولا تمشي ولا حاجة
خيك قاعد معانا
واللي مش عاجبه هو اللي يمشي
وانت لو مش عاجبك حاجة انت اللي تغيرها
مش تمشي وتهرب; September 23, 2007 at 2:54 PM
سندباد said...: احيانا بنحب نمشي من جوانا يمكن نقدر نفهمها من بعيد
ياريت يكون ده المعني الموجود في البوست
تحياتي; September 23, 2007 at 6:53 PM
sa'7so'7te said...: hahaha
gamela awe bs ana 3ande so2al aw 7aga msh mota2akkeda enne fehemtaha sa7a
heyya fel2a5er elbnt de ba3etak f3lan lamma 3erfet ennak hatmot?

hahaha; September 23, 2007 at 7:33 PM
Ert3ashat said...: sa7'so7'ty:
el ma2sod hena enha khafet enha temot...fa 2oltilha khlas ana haro7 lew7dy madam hamoot :); September 23, 2007 at 7:36 PM
الأستاذ said...: دي بتفكرني بالحياة بتاعت ladies first هبقى أعملها بوست وشوفوها سلام; September 23, 2007 at 9:17 PM
كراكيب عادل said...: كل سنة وانت طيب

فعلا خدت اية انا غير وجع قلبي وتعبي عشانك; September 23, 2007 at 10:31 PM
هوندا said...: السلام عليكم
مع انى مبفهمش فى الشعر ولا بحبه بس القصيدة دى جميلة جدا
بس اهم حاجة اننا منبصش لورا كتير ونحاول نبص للمستقبل
ومن باعنا بيعه; September 24, 2007 at 7:45 AM
Mr.Shad. said...: hahahaha
gameda 2awe eldekra
post gamed walahe...bas eh elnadla de :D
ta7yatee; September 25, 2007 at 1:57 PM
Noony said...: ممممممممممممم
انت كتبتها قبل كدة ولا انا متهيألي؟ :)

تعبت انت كتير وهي تعبتك أكتر
يمكن يكون انت تمشي من غيرها رحمة ليك
ويمكن "الموت" هنا هي الشجاعة والتخلي عن القلب الضعيف المحب الخزلان
احتمال برضه

تسلم إيدك يا دوك
:)
نوني; September 25, 2007 at 9:31 PM
الخيط الرفيع said...: الهروب واضح في تون الكلام
ونصيحة اخت واجه واجه واجه
ولو قلبك هيعطلك زبطه
وربنا ييسر ليك كل خير
نأسف علي التأخير كان في ظروف كتير وراء بعضها ولكن الحمد لله كله تمام
تحياتك ليا ونورتك
طبعا دا اساسي
لا تنساني اخي الكريم من صالح دعائك; September 28, 2007 at 5:49 AM
dandana said...: واضح حالة الخنقة والملل والتعب اللى فى كلامك...

بس مش كل اللى يتعب او يمل...يبقى طريقه الوحيد الموت

فيه طرق تانية كتيرة ....
اكيد هاتلاقى طريق تقدروا تمشوا فيه انتو الاتنين

او حتى تمشيه لوحدك ...

رمضان كريم; September 29, 2007 at 3:37 PM
Ert3ashat said...: nooney
l2 maktbthash 2bl kda wla 7aga...awel mra :); September 30, 2007 at 2:04 PM
Ert3ashat said...: تخاريف...ماشي يا عم :))...طبعا في الحلال ))..ولا ايه:!

استاذ:شكرا على تعليقك مرتين

جروم:مفيش حاجه يا حبيبي :); September 30, 2007 at 2:06 PM
Ert3ashat said...: اصيل:ماشي يا عم :)...نورتني

سندباد:لا مش هو ده المعنى...بس ولا يهمك...نورتني

هوندا:ربنا يسهل...شرفتني بزيارتك; September 30, 2007 at 2:09 PM
Ert3ashat said...: عادل:شفت بقى؟!..نورتني يا فنان

شادي:اشكرك بجد :)

خي رفيعشكرا بجد على النصيحه الغاليه بس..انتي مفهمتنيش :)..
و نورتيني :)); September 30, 2007 at 2:10 PM
Ert3ashat said...: دندنه:
وحشتني تعليقاتك بجد :)

مممم...برضه مفهمتنيش :); September 30, 2007 at 2:11 PM