Saturday, September 15, 2007

هعمل ايه بس!!!!!!!!!!!!

حاجه خفيفه كده من من مواقف عاشق مغلوب على امره :)))

مبتسأليش..
شفتيني ولا مشفتنيش..
متعرفنيش..
لو كان في حاجه ولا مفيش..
حسستيني بندم...
على كل مره فكرت فيكي وملقتكيش..
كلامك معايا ده مش بقشيش..
ويا تديهوني يا متدهونيش..
قلقت عليكي و ايه يعني؟!
قلت طمنيني..و ايه يمنع؟!..
بس انتي مطمنتنيش
سبتي القلق ياكلني..
و اساسا ما افتكرتنيش..
هعمل ايه بس!!!!!!!!!!!!
هفضل اطلع اططلع اطلع..
و هنزل العاده...
على مفيش

20 comments:

ahmed3lam said...

تعرفي ان ممكن اقتلك لو في يوم اشتقت لك ومشفتكيش لا حبيبتي متخافيش هوه قلبي من غيرك يقدر يعيش دا بس من شوقي وجنوني ان تشوفك عيوني ان وعدتيني ان اشوفك ونسيتي وعدك ومجتيش لا دا ممكن انسي اسمي لو في يوم نسيتي رسمي ان في يوم عديتي جمبي ومعرفتنيش سيبك انتي من كلامي يالي انتي عشقي وهيامي دا انا بشوفك حتي في منامي ولحظه عني مبتغبيش دا انتي ساكنه في خيالي فيكي بشوف كل غالي يا حبيبتي متبعديش


اصل كلماتك الجميله قوي دي فكرتني بالكلمات دي بردو
وياريت تقولي ايه رئيك فيها بالمره

الأستاذ said...

ما أروع التصريح بما في نفسك كما قال الأخ أحمد علام : "تعرفي ان ممكن اقتلك لو في يوم اشتقت لك " فعلاً شئ رهيب

catroz said...

بيعجبنى انه بسيط
و افكاره مترتبه
و عايز يوصل معنى معين

حلو اووووووووووووى
و عجبتنى كلمه بقشيش
:D

ahmEd_H said...

جامد جدا يا استاذ

Lama said...

حسستيني بندم...
على كل مره فكرت فيكي وملقتكيش

وحش اوي لما يحس الانسان انه ديما بيدي ويضحي ويخاف على احساس حبيبه والنهايه بدون مقابل ولا اي رد فعل

بس اكيد مش حل انه يستمر على كده ويفضل يطلع وينزل على مفيش

عجبني المعنى من كلمه بقشيش
بين قله قليله اوي

The Groom said...


يا جامد يا ارتعاشة

:))

تحياتي لك من ماناساس البلد

بوابة الحلوانى said...

كل سنة وانت طيب
رمضان كريم

bocycat said...

رمضان كريم .. تحياتى

Epitaph said...

والعمل؟
ههههههه

تخاريف خاصه! said...

هههههههه

حلوة جدا...كوميديا رومانسيه جامده..!!

:)
كل سنه وانت طيب يا دوك..

Shady shan said...

hahahah..komedya w romansya bel3amya..2arab 2arab 2araab :D
post gamed gedan walahe
salamo 3aleko

Noony said...

حسستني بإن طلعلك جناحات فجأة وعمال تطير تطير لغاية لما فجأة الجناحات دي تختفي وانت تقع فجأة
بس انت هتطلع فين يا رعوشة؟
:)

جميلة
لو هي كدة..يبقى تستحق رصاصة جميلة في قورتها كدة وتخلص البشرية من شرورها وتخلصنا

:)
نوني الشريرة

sendbad said...

رمضان كريم
تحياتي

محمد العدوي said...

يا عيل ..

تنزل على مفيش

ليه .. شوال قطن ..


جميل يا مولانا

وكل سنة وانت طيب

el_assel said...

اكيد ما كانش معاها رصيد
سماح المرة دي

Ert3ashat said...

علام:
جميل الشعر بتاعك..:)
نورتني

استاذ:
علام بيشكرك على تعليقك :)

كاتروز:
ربنا يكرمك يا رب :)
نورتيني

Ert3ashat said...

احمد:
شكرا :)

لما:
فينك وحشتني تعليقاتك :)
ربن معانا :)

جروم:
انت اجمد :))

Ert3ashat said...

حلواني:
و انت طيب

بوسي:
الله اكرم

ابيتاف:
مش عارف :))

Ert3ashat said...

تخاريف:
و انت يبه :))

شادي:
انا حسيت اني في سوق التلات
:)

نوني:
يا منورااااااني يا شريره :)
لا و انا هسيبك ولا ايه :P

Ert3ashat said...

سندباد:
الله اكرم

عدوي:
مين العيل و شوال قطن :)
مورتني

اصيل:
ضحكتني