Sunday, September 30, 2007

انا..مش ملاك!!

تحديث:
انا رديت على التعليقات الحمدلله و كمان لي تعليق بسيط..
يا جماعه مش المفروض يكون الحزن على قد الكلمات...التعبير عن انك فرحان حتى هيبين الموضوع انه مبالغ فيه...اكيد انا مش عايش بكل الحزن ده و الا كنت مت من زمان...اكيد في جزء حزين هو اللي اساس الخواطر ديه بس انا حبيت اطمن الناس عشان تقريبا 14 تعليق بيواسوني و انا بجد اشكرهم على مشاعرهم الرقيقه الراقيه بس مش ده الغرض اني بكتب الشعر على البلوج و ان كان تعليقكم ده بيحسسني اني قدرت اوصل الاحساس ب الكلمات...
اسعدتوني كلكم والله و كل سنه و انتم طيبين

انا مش ملاك..

ولا انا حد قلبه قاسي ملوش شباك..
انا مش ملاك..
انا انسان حنون قلبه..جرّحته اشواك....

انا مش ملاك..
ابيض و بحلقه فوق راسي..
اسامح و اصالح و اصبح ناسي..
ولا انا حد قلبه قاسي..
يعادي و يحارب و يستحمل مئاسي..

مش قادر انساك..
ولا انسى عمري اللي ضاع في هواك..
سنين بتعدي و لسه برضه قلبي بيستناك..
نفسي في حد زيك ياخدني معاك..
نفسي حد يحمي قلبي اللي ياما حماك..
ما اصل انا...منيش ملاك.......
انا انسان حنون قلبه جرّحته اشواك...
جرّحته اشواك..............

27 comments:

شيماء الجيزى said...

ارتعاشه ؟

مالك
الجرح صعب قوى عليك
انسان رقيق زيك
وفعلا ملاك
صعب انه ينجرح بالشكل ده
ويكتب الكلام ده
تصدق
رغم انى حساك
بس رافضه انك تكون كده
ورغم ان كلامك حلو
لكن
قلقنى
وألمنى
..........

على فكرة
كل سنة وانت طيب
مفتقداك
انت فين؟

Anonymous said...

hats off for you!!

I just loved it...and it did express it all of what I feel..!

it's quite unfair to think we're angels can bear it all...and see our hearts scractched that simple!!

soka said...

السلام عليكم
كل سنه وانت طيب
دى اول زياره ليا فى مدونتك
وفعلا جميله وكلامك كمان اجمل

تحياتى

Unknown said...

احييك علي المدونه الجميله و احساسك و كلامك الجميل
الجرح فعلآ صعب اوي اوي
انسي و عيش

الأستاذ said...

أرجو أن تكون مجرد كلمات ولا تنم عن رسالة حقيقية تريد إيصالها للجميع
لكل منا همه ولكن نحاول الخروج منه
كل سنة وانت طيب وأشكرك على الزيارة الجميلة وأشكر اهتمامك وأتمنى تكرارها لترى البوست الأخير

البِـئرُ والظمّأْ said...

سلام الله عليك
كلام صعب قوي على فكره
و باين عليه جرح عميق
بس ما دام نساك
خلاص انساه
و واصل حياتك
.
تحياتي على المشاعر دي
.
زيزي

Noony said...

تعرف؟
حسيت انك بتتكلم على لسان بنوتة صغننة قاعدة لوحدها تحت شجرة كبيرة إيديها على خدها ومستنية حديجي يمسح دمعتها وياخد بإيديها...بس أكيد البنوتة في يوم هتقوم وتمشي وتشوف الشمس وتعرف طريقها اللي هيوديها لبكرة أحلى وأحسن...مش كدة؟
ياللا عملتلك فيلم كرتون حزايني عليها..تقريباً ليدي كانت قصتها مليئة بالحاجات دي، صح؟

:)
نوني اللي برضه مش ملاك

el_assel said...

واحد كاتب الكلام ده
اكيد ملاك
لآنه كلام طالع من القلب
تحياتي

kahramana said...

حلو اوى او ى

ايه ده كله

كلام رقيق جدا جدا

و الله صعبت عليا

خليك جامد و تقييييل:))

احيييييك

klmat said...

كل سنه وانت طيب
زى ماعودتنا كلام جميل واحساس صادق
بس اكيد بأذن الله حايظهر ملاك
جميل يكون جدير بك
لاتنتظره هو حايجى مفاجأه
بس لازم يكون عندك
امل واللى ينساك انساه
فهو لايستحقك

Reemo said...

محدش فينا ملاك يا رعوشه
ومدش فينا برده شيطان
كلنا جوانا الخير والشر
بس فى ناس بيكون الخير بتاعهم كتير جدا وغلطاتهم بسيطه
وبجد الناس دى ميستاهلوش انهم يتجرحو
لانهم نادرا ما بيأذو حد
اتمنى يكون مجرد خواطر ملهاش علاقه بالواقع
وان شاء الله بكره احسن
تحياتى

سندباد said...

لك الله ياصديقي ولكن لا تحبس نفسك في مشاعر مفهاش امل صدقني والله حاول هتلاقي انك كنت مضيع منك احاسيس جميلة تانية حلوة
اسال مجرب
تحياتي

ra7il said...

انا مش ملاك..
ابيض و بحلقه فوق راسي..
اسامح و اصالح و اصبح ناسي

بجد بوست جميل جدا بس حزين
المفروض الواحد ينتصر علي الحزن ومش يعيش في دوامته لان هتضيع حاجات حلوه قوي جواه كانت موجوده وخباها الحزن وعايزه اقول ان مفيش حد دلوقتي ملاك في خير وفيه شر وكل واحد يختار اللي هو عايزه
واتمني ان ده يكون مجرد خواطر او كلام جواك مش نابع من جرح حقيقي

Anonymous said...

اصعب حاجه الجرح بس التعبير عن الجرح بالكلمات بيوصل للناس الجرح وبتنتج قصيده روعه

Eric Matt said...


صحيح أنا مش ملاك

:((

تحياتي من ماناساس البلد

تخاريف خاصه! said...

ماحدش فينا ملاك ولا يقدر انه يكون ملاك..

كل واحد جوااه نقطه شر .....شايلها لوقت عوزة...
:)
انت فين يا دوك...مفتقيدينك ..

حصان بري said...

بص يابني
بصراحه كده
موهبتك في الشعر زي موهبتي
(انا مبكتبش اصلا)
بس بجد كلامك بسيط وبيوصل
وبجد حلو

Ert3ashat said...

شيماء:
شكرا لاحساسك الرقيق
و انتي طيبه..
انا مشغول شويه معلش..
انا كويس يا بنتي مفيش حاجه..

ابيتاف:
شكرا بجد و تعليقك عندي بيسعدني جدا.
نورتيني

سوكا:
نورتيني بجد و يا رب على طول تنوريني :)

Ert3ashat said...

ايمي:
اشكرك على زيارتك بجد..اسعدتيني
انا عايش الحمدلله :)
نورتيني

الاستاذ:
هي كلمات فعلا :)
و انت طيب و ان شاء الله اعدي اشوف الموضوع الجديد

ميكناس:
اكيد هنساه ...
اسعدتيني بتعليقك بجد :)

Ert3ashat said...

نوني:
ايوه ليدي كانت كئيبه اوييي ...
ربنا يسهل
نورتيني ب تعليقك :)

الاصيل:
ربنا يكرمك يا رب :)
نورتني بتعليقك

كهرمانه/
انتي ارق بجد..
اتقل من كده :)))))))!
نورتيني بجد

Ert3ashat said...

كلمات:
وانت طيبه و اكيد هيظهر..
شكرا لاعجابك بالكلمات :)
نورتني

ريمو:
هي خواطر برافو عليكي انتي تاني واحده تشك في كده..
بجد اسعدتيني جدا...
شكرا على تعليقك الجميل اللي بستناه...

سندباد:
انا مش حابس نفسي ولا حاجه :)
شكرا اخي الكريم على النصيحه
و بجد نورتني

Ert3ashat said...

راحل:
انا سعيد جدا بتعليقك عندي..
بجد نورتني و هي فعلا خواطر
اتمني تتكرر زيارتك الكريمه..

رئيس جمهورية نفسي:
اشكرك بشده على كلامك الجميل
نورتني

جرووووم:
مالك زعلان ليه بس
مفيناش ملاك كلنا :)
نورتني يا حبي

Ert3ashat said...

تخاريف:
انا مشغول شويه يا بنتي ما انتي عارفه سنه 6 و الدروس...و احنا كمان بناخد باطنه و جراحه
اكيد في نقطة شر بس مش ده المقصود من انا مش ملاك...

حصان بري:
شكرا على ان الكلام وصلك..
بس انا مش فاهم موضوع زي موهبتي ده بصراحه...على العموم ده رأيك و انا هحترمه :)...
نورتني ب اخر 3 كلمات :)

Anonymous said...

حلوة اوىىىىىىىىى يا ارتعاشه
بجد هيا ارتعاشه
وحلوة اوى كمان الى قبلها
شعرك بجد حلو اوى
:)))))))))))
سلامى وكل سنه وانت طيب

حبيبة الرحمن said...

كل عام وانت والامه الاسلاميه بالف خير وسعاده ....عيد سعيد

hamada said...

يسيدى اقلك على حاجه
محدش يستاهل..بس مفيش الا قلبك الى يستاهل متجرحهوش ومتسبش جرح يتكون ويقطع قلبك حتت مش هتعرف تجعمها بعض كده...هو الظاهر ان اخرت الحب انكسار وبعد كل عطاء بيجى الانهيار وبعد كل وفاء بيجى حد يخلص على كل مينبض فينا بالاحلام.....عيش الحياه زى منتا عيزها حتى لو مش هيبقى فيها الا انت صدقنى هتستريح...سلام يمعلم

simple girl.. ..simple dream said...

اولا اسمجلى اقولك اد ايه الاسم شدنى

ارتعاشات

بجد جميل


القصيدة بئا جامدة
ومعبرة اوى
good luck