Saturday, September 8, 2007

بس خلاص

و لما يجي الليل و يهدي....
اكون في شارعكم انا معدي..
سامع صوتكم ورا الببان...
حاسس ايديكم على الحيطان...
بتنحت بتحفر عايزه الخلاص..
ودمعكم اللي نازله ما ليها خلاص..
مفتكرتوش ليه؟؟
مفتكرتوش ليه يوم ما ضربتم الرصاص..
على اخر قلب جواه اخلاص....
اديكم قاعدين..ندمانين...محرومين..
في حيطانكم...خبطوا الراس....
لا حد غاتكم ولا ساعدكم...
و هيغيتوكم ليه و كل اللي فاضلين..
من ندالتكم راضعين..
ومن سواد قلوبكم طالعين...
بس خلاص..
بس خلاص...
بس خلاااااااص.......

20 comments:

محمد العدوي said...

شامم ريحة سعد الصغير هنا

ايه يا عم اللغة دي ..

أجمل من ذلك يكون .. أنا على يقين بهذا .



سامع صوتكم ورا الببان...
حاسس ايديكم على الحيطان...
بتنحت بتحفر عايزه الخلاص

حلوة الصورة دي ..


بس خلاص .

Abeer said...

سامع صوتكم ورا الببان...
حاسس ايديكم على الحيطان...
بتنحت بتحفر عايزه الخلاص

انا بردو زي محمد .. عجبتني الصورة ديه

بس .. بس خلاص بتاعت شعبولله مش سعد
:D

Ert3ashat said...

بس خلاص هنا المفروض انه بيقولها للناس اللي سامع صوتهم و نحت ايديهم...بيشخط فيهم عشان يبطلوا..مش عايز يسمع صوتهم...

sa'7so'7te said...

besm ellah masha2alla elkalam gamel awe we elsewar elle fe nos elkalam de gamela awe

one true thing said...

تحس انها تنفع تتغنى
بس بجد حلوه
ولا مش خلاص بكسره
ولا بصوت عالي ع الفاضي
لا خلاص بمزاجي وانا مش متطاطي
ومش حزين
يارب يكون المعنى وصلك
لان حضرتك تستهال كتير
كل سنه وحضرتك طيب
رمضان كريم
اسفه للتاخير عن بوستات حضرتك
ادعيلي
تحياتي

رينـــــــــــا said...

السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير

البِـئرُ والظمّأْ said...

السلام عليكم
كلام جميل بجد
و تحياتي ليك
بس خلاص
.
زيزي

catroz said...

مفتكرتوش ليه؟؟
مفتكرتوش ليه يوم ما ضربتم الرصاص..
على اخر قلب جواه اخلاص....

عجبتنى اوى الحته دى
يقتاوا القلب
و بعدين يرجعوا يندموا
امال كنا بنقولهم اييييييييييييييه م الاول
يلا الحمدلله

جميييييييييييل كالعاده

Ahmed Mohamed said...

كلامك جميل والله العظيم
وانا فرحان بيك جدا مش عارف ليه
بجد ربنا يوفقك

Eric Matt said...


:((

تحياتي لك من ماناساس البلد

فعلا مؤثر

Eric Matt said...


:((

تحياتي لك من ماناساس البلد

فعلا مؤثر

MaMaDo said...

و ايييييييه

اه تصدق تنفع تتغنى

بجد الكلام جميل واى
و معبر و سالس

تحياتى ليك يا فندم
و كل سنه و انت طيب

احساس لسه حى said...

عزيزى
مبقاش حد بيندم دلوقتى
كله عنده برود
اللى بيبيع مش مقدر اد ايه هو باع ايه
واللى انباع تلاقيه قبل كده برضوا باع
سلام

klmat said...

رائعه كالعاده
لكل امرىء مانوى
تصويرك وشعرك
جميل .كل سنه وانت طيب
تحياتى لك

Noony said...

مش عايزة اقول غير حاجة واحدة

يا دي النييييييييييلة

:))
نوني

Ert3ashat said...

عدوي:
ماشي يا عم سعد سعد ليه لتا :)))

عبير:
ماشي يا ستي :))) شعبان و ماله...المهم بس تكونوا عرفتوا قصدي :)

سخسوختي:
نورتيني بتعليقك و بجد مكسوف من مجاملتك الرقيقه:$

Ert3ashat said...

ون ترو ثينج:
المعنى وصل و بجد شكرا و بجد ببقى سعيد بتعليقاتك اوي
و خد
ي وقتك :)
نورتيني :)

رينا:
و انت يبه و سعيده يا رب

مكنيس:
شكرا على تعليقك بجد اسعدني اوييي

Ert3ashat said...

كاتروز:
قليلهم....عرفيهم :)))
مش انا لوحدي:)
نورتيني بجد

احمد علام:
و انا فرحان بيك اكتر والله و سعيد بتعليقك اوييي :)
نورتيني و ان شاء الله على طول

جرووم:
وحشني يا حبي و الله
كل سنه و انت طيب

Ert3ashat said...

مامادو:
خلاص هات ملحن :)
نورتني بجد :)

احساس لسه حي:
عندك حق
كل سنه و انت سيب

كلمات:
انا بفرح اوي لما تسيبي كومنت بجد والله العظيم
سكراااا
و كل سنه و انت طيبه

Ert3ashat said...

نوني:
ليه بس كده
كل سنه و انت طيبه يا جميييل