Tuesday, September 4, 2007

متكلمنيش

متكلمنيش
كنتي معايا
و ما اتكلمتيش
في حضن هوايا
و منمتيش
قلت بحبك
مسمعتيش
لمست قلبك
و محستيش

متكلمنيش
عشت عشانك
عمر بحاله
ولا مره سألتي
قلبي انا ماله؟!!
ولا فكرتي
ايه احواله؟!!
قلبي اللي بنى
عليكي اماله
بات زعلان
بات حيران
علقتيه في الهوا
و قطعتي حباله

متكلمنيش
قلبي خلاص
بات مكسور
بات مفطور
على حب
حبه ب اخلاص
على قلب
كان ليه خلاص
و اهو رجع تاني يتيم
جوه صدري حزين
وكل طلبه
تسبيله الانين

متكلمنيش
قلبي انا
متستهليش
حبي انا
خلاص
بح مفيش
عشانك انتي
مش راح اعيش
بس متفتكريش......
اني على حبك ندمان
حتى لو قلبي تعبان
ف انا في حبك
عشت الامان
بقلب ماليه الحنان
ولا مره عمره خان
و حتى اما مات....
مات انسان...

15 comments:

Abeer said...

قلت بحبك
مسمعتيش
لمست قلبك
و محستيش


حلوة اوي

Abeer said...

بس انا عايزة اسال سؤال .. هو ليه لما بنحب حد .. وهو مش بيبادلنا الشعور ده
بنتحامل عليه ونتهمه بعدم الاحساس
او يمكن الخيانة في بعض الاوقات

Eric Matt said...


وانا مع نفس سؤال عبير

ليه بنتعامل في اغلب الوقت بنفس المنطق ده اللي مش بيحبنا بيكرهنا واللي مش معانا علينا؟

تحياتي لك من ماناساس البلد

catroz said...

كان ليه خلاص
و اهو رجع تاني يتيم
جوه صدري حزين
وكل طلبه
تسبيله الانين


رجع تانى يتيم
الكلمه دى وجعتنى اوى
برضه عايزه اعرف اجابه سؤال عبير
مش منك
من اى حد يعرف

جمييييييييييييل اوى كالعاده و اختارت الكلمات بسيطه و سهله و معبره
بحب جدا اسلوبك فى الكتابه

Ert3ashat said...

انا مش بتحامل على حد القصيده كده زي ما هي بنس معانيها
مش موضوع ملقتش نفس الشعور لا موضوع خيانه...عدم تقدير...المعنى اللي تقصديه يا عبير و يا جروم مختلف عن اللي انا اقصده

break said...

حلوة اوى او ىاوى
انت مبتفكرش تلحن الحاجات دى؟

Abeer said...

انا فاهمة المعنى اللي انت تقصده
:)
بس انا جه في بالي السؤال ده من وحي الكلام .. كان يهمني اعرفله اجابة
عذرا لو كنت خرجت على الموضوع

~ Bato0ot ~ said...

و حتى اما مات....
مات انسان...



raw3a!! bgd msh 3ndy ta3lee2!!
raw3a!!

البِـئرُ والظمّأْ said...

السلام عليكم
جميل قوي الكلمات اللي كتبتيها دي


المهم لما مات ما انسان
ربنا يوفقك
زيزي

emos said...

el mafrood te2ool fel 2a7'er
katek el 2araf
ro7y w matgeesh
3ashan madrabkeesh:))
gameel awy 3ala fekra

Dr.Diamond86 said...
This comment has been removed by the author.
Dr.Diamond86 said...

u r always good picking ur words
but y back to sadness
e7na masadda2na that u get better
but u r always gr8 whatever ur mood
best wishes my collegue
i guess college bada2et tebhat 3alik
looooooooooooool

حواء said...

كلمات تلقائية ومحسوسة .. احيك

Noony said...

أنا عارفاك تموووووت في اللون الحزايني
بس تسلم إيدك يا رعوشة
بجد جميلة
مفيهاش انكسار
فيها قوة عزيمة وأمل
bravissimo
فيها حنان على حبة إخلاص

:)
كل سنة وانت طيب...وخد بالك من صحتك يا دكتور
نووووووووووونيييييي

قطوف said...

انت تعرف انا نفسى فى ايه
امسك عود
ولحنهالك
ومفيش مشاكل
وغنيها كمان


بجد كلمات حلوه ممكن اخد منها كام رساله للموبايل
يصلح حالك